ಟೊಮೆಟೊ ಅಂತ್ಯ ರೋಗ - ಟೊಮೆಟೊ

ಟೊಮೆಟೊ

ಟೊಮೆಟೊ ಅಂತ್ಯ ರೋಗ

Phytophthora infestans

ಶಿಲೀಂಧ್ರ


ಸಂಕ್ಷಿಪ್ತವಾಗಿ

  • ಎಲೆಯ ಮೇಲೆ ಕಂದು ಬಣ್ಣದ ಕಲೆಗಳು- ಅಂಚುಗಳಿಂದ ಪ್ರಾರಂಭವಾಗುತ್ತವೆ.
  • ಎಲೆಗಳ ಕೆಳಭಾಗದಲ್ಲಿ ಬಿಳಿ ಹೊದಿಕೆಯಿರುತ್ತದೆ.
  • ಹಣ್ಣುಗಳ ಮೇಲೆ ಬೂದು ಅಥವಾ ಕಂದು ಬಣ್ಣದ ಸುಕ್ಕುಗಟ್ಟಿದ ಕಲೆಗಳು ಇರುತ್ತವೆ.
  • ಹಣ್ಣಿನ ತಿರುಳು ಗಟ್ಟಿಯಾಗಿರುತ್ತದೆ ಮತ್ತು ಕೊಳೆತ ಹಣ್ಣು ಇರುತ್ತವೆ.

ರೋಗಲಕ್ಷಣಗಳು

ಎಲೆಯ ಅಂಚುಗಳು ಮತ್ತು ಎಲೆ ಮೇಲ್ಭಾಗಗಳಲ್ಲಿ ಕಂದು-ಹಸಿರು ಬಣ್ಣದ ಕಲೆಗಳು ಕಾಣಿಸಿಕೊಳ್ಳುತ್ತವೆ. ನಂತರ, ಎಲೆಗಳ ದೊಡ್ಡ ಭಾಗಗಳು ಸಂಪೂರ್ಣವಾಗಿ ಕಂದು ಬಣ್ಣಕ್ಕೆ ತಿರುಗುತ್ತವೆ. ಆರ್ದ್ರ ವಾತಾವರಣದ ಸಮಯದಲ್ಲಿ, ಎಲೆಗಳ ಕೆಳಭಾಗದಲ್ಲಿರುವ ಗಾಯಗಳು ಬೂದು ಅಥವಾ ಬಿಳಿ ಕೊಳೆತ ಪದರದಲ್ಲಿ ಮುಚ್ಚಿರುತ್ತದೆ, ಇದರಿಂದಾಗಿ ಸತ್ತ ಎಲೆ ಅಂಗಾಂಶದಿಂದ ಆರೋಗ್ಯಕರವಾದುದನ್ನು ಪ್ರತ್ಯೇಕಿಸುವುದು ಸುಲಭವಾಗುತ್ತದೆ. ರೋಗವು ಹೆಚ್ಚಾದಂತೆ, ಎಲೆಗಳು ಕಂದು ಬಣ್ಣಕ್ಕೆ ತಿರುಗುತ್ತವೆ, ಸುರುಳಿಯಾಗುತ್ತವೆ ಮತ್ತು ಒಣಗಿ ಹೋಗುತ್ತವೆ. ಕೆಲವು ಸಂದರ್ಭಗಳಲ್ಲಿ, ತೀವ್ರವಾಗಿ ಸೀಮಿತವಾದ ಕಂದು ಬಣ್ಣದ ಚುಕ್ಕೆಗಳು ಮತ್ತು ಬಿಳಿ ಹೊದಿಕೆ ಕಾಂಡಗಳು, ಶಾಖೆಗಳು ಮತ್ತು ತೊಟ್ಟುಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಬೂದು-ಹಸಿರು ಬಣ್ಣದಿಂದ ಕೊಳಕು-ಕಂದು ಬಣ್ಣದ ಮತ್ತು ಸುಕ್ಕುಗಟ್ಟಿದ ಕಲೆಗಳು ಹಣ್ಣುಗಳ ಮೇಲೆ ಕಾಣಿಸಿಕೊಳ್ಳುತ್ತವೆ. ಈ ಕಲೆಗಳ ಭಾಗದಲ್ಲಿ, ಹಣ್ಣಿನ ತಿರುಳು ಗಟ್ಟಿಯಾಗಿರುತ್ತದೆ.

ಆಶ್ರಯದಾತ ಸಸ್ಯಗಳು

1 ಆಶ್ರಯದಾತ ಸಸ್ಯಗಳು

ಪ್ರಚೋದಕ

ಸೋಂಕಿನ ಅಪಾಯವು ನಡುಬೇಸಗೆಯಲ್ಲಿ ಅತಿ ಹೆಚ್ಚು. ಸಿಪ್ಪೆಯ ಮೇಲಿರುವ ಗಾಯಗಳ ಮೂಲಕ ಶಿಲೀಂಧ್ರವು ಸಸ್ಯವನ್ನು ಪ್ರವೇಶಿಸುತ್ತದೆ ಮತ್ತು ಸಿಪ್ಪೆಯನ್ನು ಹರಿದುಹಾಕುತ್ತದೆ. ಉಷ್ಣಾಂಶ ಮತ್ತು ತೇವಾಂಶವು ರೋಗದ ಅಭಿವೃದ್ಧಿಯ ಮೇಲೆ ಪರಿಣಾಮ ಬೀರುವ ಪ್ರಮುಖ ಪರಿಸರೀಯ ಅಂಶಗಳಾಗಿವೆ. ತಡವಾಗಿ ರೋಗ ತಗುಲಿಸುವ ಶಿಲೀಂಧ್ರಗಳು ಹೆಚ್ಚಿನ ಸಾಪೇಕ್ಷ ಆರ್ದ್ರತೆಗಳಲ್ಲಿ (ಸುಮಾರು 90%) ಮತ್ತು 18 ರಿಂದ 26 °C ತಾಪಮಾನದ ವ್ಯಾಪ್ತಿಯಲ್ಲಿ ಉತ್ತಮವಾಗಿ ಬೆಳೆಯುತ್ತವೆ. ಬೆಚ್ಚಗಿನ ಮತ್ತು ಶುಷ್ಕ ಬೇಸಿಗೆ ಹವಾಮಾನವು ರೋಗ ಹರಡುವುದನ್ನು ತಡೆಗಟ್ಟುತ್ತದೆ.

ಜೈವಿಕ ನಿಯಂತ್ರಣ

ಈ ಹಂತದಲ್ಲಿ, ಲೇಟ್ ರೋಗಕ್ಕೆ ವಿರುದ್ಧವಾದ ಪರಿಣಾಮಕಾರಿತ್ವದ ಯಾವುದೇ ಜೈವಿಕ ನಿಯಂತ್ರಣವು ಲಭ್ಯವಿಲ್ಲ. ಸೋಂಕಿತ ಸ್ಥಳದ ಸುತ್ತಲೂ ರೋಗ ಹರಡುವುದನ್ನು ತಡೆಗಟ್ಟಲು ಸೋಂಕಿತ ಜಾಗದಲ್ಲಿರುವ ಸಸ್ಯಗಳನ್ನು ತೆಗೆದುಹಾಕಿ ನಾಶಮಾಡಿ ಮತ್ತು ಸೋಂಕಿತ ಸಸ್ಯ ವಸ್ತುಗಳ ಮಿಶ್ರಗೊಬ್ಬರ ಮಾಡಬೇಡಿ.

ರಾಸಾಯನಿಕ ನಿಯಂತ್ರಣ

ಜೈವಿಕ ಚಿಕಿತ್ಸೆಗಳು ಲಭ್ಯವಿದ್ದರೆ ಒಟ್ಟಾಗಿ ತಡೆಗಟ್ಟುವ ಕ್ರಮಗಳೊಂದಿಗೆ ಸಮಗ್ರವಾದ ಮಾರ್ಗವನ್ನು ಯಾವಾಗಲೂ ಪರಿಗಣಿಸಿ. ಮಂಡಿಪ್ರೊಪಾಮಿಡ್, ಕ್ಲೋರೊಥಲೋನಿಲ್, ಫ್ಲಝಿನಾಮ್, ಮನ್ಕೊಜೆಬ್ಗಳನ್ನು ಆಧರಿಸಿ ಶಿಲೀಂಧ್ರನಾಶಕ ಸಿಂಪಡಣೆಗಳನ್ನು ಬಳಸಿ ಲೇಟ್ ರೋಗವನ್ನು ಎದುರಿಸಿ. ಮಳೆಯು ಬರುವ ಸಾಧ್ಯತೆಯಿದ್ದರೆ ಅಥವಾ ಹೆಚ್ಚಿನ ಓವರ್ಹೆಡ್ ನೀರಾವರಿ ಅಭ್ಯಾಸ ಮಾಡಿದ ವರ್ಷವೊಂದರಲ್ಲಿ ರೋಗವು ಕಂಡುಬಂದರೆ ಮಾತ್ರ ಶಿಲೀಂಧ್ರನಾಶಕಗಳು ಸಾಮಾನ್ಯವಾಗಿ ಅಗತ್ಯವಿರುತ್ತದೆ.

ಮುಂಜಾಗ್ರತಾ ಕ್ರಮಗಳು

  • ವಿಶ್ವಾಸಾರ್ಹ ಚಿಲ್ಲರೆ ವ್ಯಾಪಾರಿಗಳಿಂದ ಆರೋಗ್ಯಕರ ಬೀಜಗಳನ್ನು ಖರೀದಿಸಿ.
  • ಹೆಚ್ಚು ಚೇತರಿಸಿಕೊಳ್ಳುವ ಪ್ರಭೇದಗಳ ಸಸ್ಯಗಳನ್ನು ನೆಡಿ.
  • ನಿಮ್ಮ ಬೇಸಾಯದಲ್ಲಿ ಉತ್ತಮ ಒಳಚರಂಡಿ ಮತ್ತು ವಾತಾಯನಗಳಿಂದ ಸಸ್ಯಗಳಿಗೆ ತೇವ ತಗುಲದಂತೆ ನೋಡಿಕೊಳ್ಳಿ.
  • ಟಾರ್ಪೌಲಿನ್ ಮತ್ತು ಮರದ ತುಂಡಿನ ಸಹಾಯದಿಂದ ಸರಳ ಪಾರದರ್ಶಕ ಮಳೆ ಆಶ್ರಯವನ್ನು ಸ್ಥಾಪಿಸಬಹುದು.
  • ದಿನದಲ್ಲಿ ತಡವಾಗಿ ನೀರಾವರಿ ಮಾಡಬೇಡಿ ಮತ್ತು ನೆಲದ ಮಟ್ಟದಲ್ಲಿ ಸಸ್ಯಗಳಿಗೆ ನೀರಾವರಿ ಮಾಡಿ.
  • ರೋಗ ಬರದ ಬೆಳೆಗಳೊಂದಿಗೆ ಎರಡು ಅಥವಾ ಮೂರು ವರ್ಷಗಳ ಸರದಿ ಬೆಳೆ ಮಾಡುವುದನ್ನು ಸೂಚಿಸಲಾಗುತ್ತದೆ.
  • ಟೊಮೆಟೊಗಳು ಮತ್ತು ಆಲೂಗಡ್ಡೆಗಳನ್ನು ಪರಸ್ಪರ ಜೊತೆಯಾಗಿ ಬೆಳೆಸಬಾರದು.
  • ಸಿಲಿಕೇಟ್ ಹೊಂದಿರುವ ರಸಗೊಬ್ಬರಗಳು ಶಿಲೀಂಧ್ರಕ್ಕೆ ವಿಶೇಷವಾಗಿ ಸಸಿ ಹಂತದಲ್ಲಿ ಪ್ರತಿರೋಧವನ್ನು ಹೆಚ್ಚಿಸಬಹುದು.
  • ಹೊಲದಲ್ಲಿ ಉಪಯೋಗಿಸುವ ಉಪಕರಣಗಳು ಮತ್ತು ಸಲಕರಣೆಗಳನ್ನು ಸ್ವಚ್ಛಮಾಡಿ ಸೋಂಕನ್ನು ತೆಗೆಯಿರಿ.
  • ಸಸ್ಯಗಳನ್ನು ಸಾಮಾನ್ಯವಾಗಿ ಗಟ್ಟಿಯಾಗಿಸಲು ತಡೆ ಬೇಳೆಗಳನ್ನು ಬಳಸಿ.