Fusarium oxysporum
बुरशी
5 mins to read
ही बुरशी पीकाप्रमाणे नुकसानाची संरचना दर्शविते. काही वेळा, झाडे कोवळी असताना देखील पाने पिवळी पडुन मरगळीची चिन्हे दाखवितात. प्रौढ झाडात, काही भागांवरच थोडी मरगळ सामान्यत: दिसते. दिवसातील सर्वांत जास्त गरम वेळेला हे सामान्य आहे. नंतर पाने बहुधा फक्त एकाच बाजुने पिवळी पडतात. फांद्याचे आडवे काप घेतले असता वाहक भागात तपकिरीसर-लाल रंगहीनता सुरुवातीला बुडावर व नंतर फांदीवर दिसते.
बरेचसे जैविक नियंत्रण घटक, ज्यात जिवाणू आणि एफ. ऑक्झिस्पोरमचे नॉनपॅथोजेनिक स्ट्रेन्स ही येतात, जे या जंतुंबरोबर स्पर्धा करतात आणि फ्युसॅरियम मरच्या नियंत्रणासाठी काही पिकात वापरले जातात. ट्रिकोडर्मा व्हिरिडेचा वापरही बियाणांच्या उपचारांसाठी (१० ग्रॅ/किलो बियाणे) केला जातो. काही जमिनी फ्युसॅरियमची वाढ रोखतात. जमिनीचा सामू ६.५-७ राखा आणि अमोनियमचा नत्रच्या स्त्रोतासाठी वापर करण्याऐवजी नायट्रेटचा वापर केल्याने रोगाची गंभीरता कमी होईल.
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. जर इतर कोणताही उपाय काम करत नसेल तर मातीजन्य बुरशीनाशके संक्रमित भागांवर लावा. जमिनीला कॉपर ऑक्झिक्लोराइड (३ ग्रॅम/ली) पाण्याने पेरणीपूर्वी/रोपणीपूर्वी भिजविल्यासही प्रभावी असते.
फ्युसॅरियम मर झाडाच्या वहन करणार्या भागांवर वाढते, ज्यामुळे पाणी आणि पोषण पुरवठा बरोबर होत नाही. रोपांना रोग थेट त्यांच्या मुळांतुन किंवा मुळांवर झालेल्या जखमांमुळे देखील होऊ शकतो. एकदा हा जंतु एका भागात स्थापन झाला तर तो खूप वर्षांपर्यंत सक्रिय असतो.