Froggattia olivinia
ପୋକ
5 mins to read
ପତ୍ର ପୃଷ୍ଠର ହଳଦିଆ ଛାପ (ଦାଗଯୁକ୍ତ ବିବର୍ଣ୍ଣତା) ଯାହା ବାଦାମୀ ହୋଇଯାଏ ଏବଂ ଶେଷରେ ପତ୍ର ଝଡିଯାଏ।ଏହି କ୍ଷତି ଫସଲରେ ଅଧିକ ପତ୍ରଝଡା ଦିଏ ଏବଂ ଫଳ ଅମଳ ହ୍ରାସ କରାଏ।
ଛୋଟ ସ୍ତର କ୍ଷେତ୍ରରେ, ଜୈବିକ ଉପଚାର ସଫଳ ହୋଇପାରେ। ଲେସ ଭୃଙ୍ଗର ଏକ ଅଣ୍ଡା ପରଜୀବୀ ଥିବା ଜଣା ଯାଇଛି, କିନ୍ତୁ ଏହା ପ୍ରାୟତଃ ଅନେକ ପାରମ୍ପରିକ ଅଲିଭ ବଗିଚାରେ ନଥାଇପାରେ, ନିର୍ଦ୍ଦିଷ୍ଟ ଭାରେ ଯଦି ଭୂମି ଖାଲି ଅଛି। (ଅଣ୍ଡା ପରଜୀବୀ ଗୁଡିକ ସାଧାରଣତଃ ମହୁ ଖାଦକ ଅଟନ୍ତି)। ସବୁଜ ଝାଲର ଡେଣା ଭୃଙ୍ଗ ଏକ ସବୁଠାରୁ ସାଧାରଣ ପରଭକ୍ଷୀ ଯାହାକି ଫଳପ୍ରଦ ନିୟନ୍ତ୍ରଣ ପାଇଁ ବ୍ୟବହାର କରାଯାଏ।
ରାସାୟନିକ ଉପଚାର ପ୍ରୟୋଗ କଲେ ଯଦି ସିଞ୍ଚନ ଠିକ ଭାବରେ କରାଯାଏ। ଲେସ ଭୃଙ୍ଗକୁ ମାରିବା ସହଜ ହୋଇଥାଏ। ପ୍ରାକୃତିକ ପାଇରେଥ୍ରମ (ପାଇରେଥ୍ରିନ) ଏବଂ ରାସାୟନିକ ପାଇରେଥ୍ରମ (ପାଇରେଥ୍ରଏଡ) ଲେସ ଭୃଙ୍ଗ ନିୟନ୍ତ୍ରଣ କରିବାରେ ଫଳପ୍ରଦ ହୋଇଥାଏ। ଫେଟି ଏସିଡର ପୋଟାସିୟମ ଲୁଣ, ଯାହାକି ସାବୁନ ଲୁଣ ଭାବରେ ଜଣାଶୁଣା, ଏହି କୀଟକୁ ନିୟନ୍ତ୍ରଣ କରୁଥିବା ଜଣା ଯାଇଛି। ଉତ୍ପାଦନ ସ୍ତରରେ କିଛି ଅର୍ଗାନୋଫସ୍ଫେଟ ବ୍ୟବହାର କରାଯାଇ ପାରେ। 10-14 ଦିନ ପରେ ନୂଆରେ ଫୁଟିଥିବା ନିମ୍ଫ ବା ଶୂକ ନିୟନ୍ତ୍ରଣ ପାଇଁ ଦ୍ଵିତୀୟ ସିଞ୍ଚନ ପୁନଃ ପ୍ରୟୋଗ କରନ୍ତୁ। କୀଟନାଶକ ପ୍ରୟୋଗ କରିବା ସମୟରେ, ସର୍ବଦା ସୁରକ୍ଷାତ୍ମକ ପୋଷାକ ପିନ୍ଧନ୍ତୁ ଏବଂ ଉତ୍ପାଦ ଲେବେଲରେ ଥିବା ନିର୍ଦ୍ଦେଶ ତଥା ମାତ୍ରା, ପ୍ରୟୋଗ ସମୟ ଏବଂ ଅମଳ-ପୂର୍ବ ଅନ୍ତର ମାନନ୍ତୁ। ସର୍ବଦା କୀଟନାଶକ ପ୍ରୟୋଗର ଆଞ୍ଚଳିକ ନିୟମ ପାଳନ କରନ୍ତୁ।
ଫ୍ରୋଗାଟିଆ ଅଲିଭିନିଆ ଦ୍ଵାରା କ୍ଷତି ହୋଇଥାଏ। କ୍ଷତିଗ୍ରସ୍ତ ପତ୍ରର ତଳ ପଟେ ଗୁଚ୍ଛ ଭାବରେ ଥିବା କୀଟ ମଧ୍ୟରୁ ବିଭିନ୍ନ ଅବସ୍ଥା ସହଜରେ ଚିହ୍ନଟ କରି ହୁଏ। ଗଛ ଉପରେ ଶୀତସୁପ୍ତି କରିଥିବା ଅଣ୍ଡା ସାଧାରଣତଃ ବସନ୍ତ କିମ୍ବା ବିଳମ୍ବ ଶୀତରେ ଫୁଟିବାକୁ ଆରମ୍ଭ କରେ। ବୟସ୍କମାନେ ଅଳ୍ପ ଦୂର ଉଡି ପାରନ୍ତି। ଅପରିପକ୍ଵ ଏବଂ ବୟସ୍କ କୀଟ ଖାଇବା ଦ୍ଵାରା ପତ୍ର ପୃଷ୍ଠରେ ହଳଦିଆ ଛାପ ସୃଷ୍ଟି ହୋଇଥାଏ। ଜଳବାୟୁ ଉପରେ ନିର୍ଭର କରି ପ୍ରତି ବର୍ଷ ଅଲିଭ ଲେସ ଭୃଙ୍ଗର ଅନେକ ପିଢୀ ହୋଇପାରେ। ବୃଦ୍ଧି ଋତୁ ସାରା ନୂଆ ଆକ୍ରମଣ ନିୟମିତ ଭାବରେ ହୋଇପାରେ। ସବୁ ଚଳନଶୀଳ ଅବସ୍ଥାରେ ଗୋଜିଆ ଏବଂ ଶୋଷିବା ପାଟି ଅଂଶ ଥାଏ, ତେଣୁ ସବୁ ଅବସ୍ଥା କ୍ଷତି କରିପାରେ।