شملہ مرچ اور مرچی

مرچ کے پتے پر سرکوسپورا کے دھبے

Cercospora capsici

فطر

5 mins to read

لب لباب

  • سفیدی مائل مرکز، گہرے دائرے اور پیلے ہالے ('مینڈک کی آنکھ') کے ساتھ پتوں پر بڑے، ہم مرکز بھورے دھبے۔ دھبے بڑے زخموں میں تبدیل ہو جاتے ہیں۔
  • پتوں کا پیلا پڑنا اور گر جانا۔ پھلوں کا سورج سے جھلسنے کیلئے تکشف۔

اس میں بھی پایا جا سکتا ہے


شملہ مرچ اور مرچی

علامات

انفیکشن کے ابتدائی مرحلے کے دوران، پتوں پر ہلکے خاکستری مراکز اور سرخی مائل بھورے حاشیوں کے ساتھ بھورے مائل گول دھبے ظاہر ہوتے ہیں۔ بعد ازاں، یہ بڑے گول جھلسنے کے دھبوں میں تبدیل ہو جاتے ہیں جن کا حجم 1.5 سینٹی میٹر تک ہوتا ہے اور جو گہرے ہم مرکز دائروں کی وجہ سے بنتے ہیں جو کہ سفیدی مائل مرکز کے گرد بڑھتے ہیں۔ ایک کھردرا سیاہ دائرہ اور پیلا ہالہ دھبوں کو مخصوص 'مینڈک کی آنکھ' جیسا حلیہ دیتا ہے۔ جب دھبے تعداد میں زیادہ ہو جاتے ہیں تو یہ وقت کے ساتھ ساتھ ضم ہو کر پتوں کے بڑے زخموں میں تبدیل ہو جاتے ہیں۔ سفید مرکز اکثر خشک ہو کر گر جاتا ہے جس سے 'گولی کے سوراخ' نما تاثر ملتا ہے۔ انفیکشن کے بعد کے مراحل میں پتے پیلے پڑ جاتے ہیں اور مرجھا کر گر جاتے ہیں جس سے پھل دھوپ سے جلنے کیلئے افشاء ہو جاتے ہیں۔ سنگین صورتوں میں دھبے پھل کی ٹہنی اور مسند گل پر دیکھے جا سکتے ہیں جس کا نتیجہ عموماً تنے کے آخر میں سڑاند کی صورت میں نکلتا ہے۔

Recommendations

نامیاتی کنٹرول

52 ڈگری سینٹی گریڈ پر گرم پانی کے ساتھ 30 منٹ تک بیج کا علاج کرنا پھپند کی بیجوں پر۔ موجودگی کو کم کرنے کا ایک طریقہ ہے۔ نوٹ کر لیں کہ علاج اگر ٹھیک طرح سے نہ کیا جائے (اضافی وقت یا درجہ حرارت) تو یہ بیج کی نمو پذیری کو بھی متاثر کر سکتا ہے۔ جب دھبے پہلی بار نمودار ہوں تو اس وقت سے لے کر آخری کٹائی سے 3 تا 4 ہفتے پہلے تک 10 سے 14 دن کے وقفوں کے ساتھ کاپر ہائیڈرو آکسائیڈ پر مبنی پروڈکٹس کا مستقل اسپرے کیا جا سکتا ہے۔ پتوں کے دونوں اطراف اسپرے کرنا اہم ہے۔

کیمیائی کنٹرول

اگر دستیاب ہو تو ہمیشہ حیاتیاتی معالجات کے ساتھ بچاؤ کی تدابیر والی ایک مکمل حکمت عملی اختیار کریں۔ کپتان 3 گرام فی کلوگرام کے ساتھ بیج کا علاج مرض کے خلاف لڑنے کیلئے مؤثر ہے۔

اس مرض کو کنٹرول کرنے کیلئے دیگر معالجات میں کاپر ہائیڈرو آکسائیڈ، کلوروتھالونل یا مینکوزیب پر مبنی پروڈکٹس کا فولئیر اسپرے شامل ہے۔ علاج دھبوں کے پہلی بار نمودار ہونے پر شروع کرنا چاہیئے اور آخری بار کٹائی سے 3 تا 4 ہفتے پہلے تک 10 سے 14 دن کے وقفوں میں جاری رہنا چاہیئے۔ پتوں کے دونوں اطراف اسپرے کرنا اہم ہے۔

یہ کس وجہ سے ہوا

علامات سرکوسپورا کیپسیسائی کی وجہ سے ہوتی ہیں، یہ ایک ایسا پھپند ہے جو بالخصوص منقطہ حارہ میں لچکدار ہے اور کیاریوں اور کھیتوں دونوں میں پودوں کو متاثر کرتا ہے۔ یہ بیجوں کے اندر یا اوپر، مٹی کے اندر اور بیماری زدہ پودے کی باقیات میں بھی ایک موسم سے دوسرے موسم تک زندہ رہتا ہے۔ یہ پانی، بارش، ہوا اور پتے کے پتے سے تعامل کے ذریعے اور اوزاروں، آلات اور کارکنان کے ذریعے پھیلتا ہے۔ برگی انفیکشن پتے میں براہ راست داخلے سے ہوتا ہے اور پتے کا طویل گیلا پن اسے بڑھاوا دیتا ہے۔ انفیکشن کیلئے موزوں حالات 23 ڈگری سینٹی گریڈ کے قریب گرم درجہ حرارت اور 77 سے 85٪ تک نسبتی نمی ہیں۔ اگر یہ حالات ہوں تو اس بات کے کافی امکانات ہوتے ہیں کہ پیداوار خاطر خواہ حد تک متاثر ہو، بالخصوص اگر انفیکشن موسم کے آغاز میں ہو جائے۔


احتیاطی تدابیر

  • صحت مند، سندیافتہ بیج حاصل کرنا یقینی بنائیں۔
  • اچھی ہواداری کی اجازت دینے اور پتوں کو طویل عرصے تک گیلا رہنے سے بچانے کیلئے تجویز کے مطابق پودوں کے بیچ جگہ دیں۔
  • پودے اور فطر کے بیچ جسمانی رکاوٹ پیدا کرنے کیلئے ملچ استعمال کریں۔
  • پودوں کو سیدھا کھڑا رکھنے کیلئے لکڑی کے سہارے استعمال کریں۔
  • پتوں کے گیلے پن کو کم کرنے کیلئے ڈرپ ایریگیشن سسٹم استعمال کریں۔ کیاریوں، نوعمر پودوں یا ٹرانسپلانٹس کو مرض کی علامات کیلئے مانیٹر کریں۔
  • انفیکشن زدہ پودوں کو ہٹائیں اور کھیت سے دور لے جا کر ضائع کر دیں۔
  • حساس فالتو جھاڑیوں کو کھیت کے اندر اور ارد گرد کنٹرول کریں۔
  • جب پودے گیلے ہوں تو کھیتوں میں کام نہ کریں۔
  • فصل کی وسیع گردش کا اطلاق کریں، کم از کم ہر 3 سال کے عرصے میں۔
  • کٹائی کے بعد پودے کے فضلے کو ہٹائیں اور ضائع کر دیں۔
  • یقینی بنا لیں کہ بیج کیلئے منتخب کردہ پھلوں میں تنے کے آخر کی سڑاند نہ ہو۔

پلانٹکس ڈاؤن لوڈ کریں