рмЯрморм╛рмЯ

рмдрморнНрммрм╛рмЦрнБ рм╕рморнНрммрм╛рм│рнБрмЖ

Spodoptera litura

рмкрнЛрмХ

5 mins to read

рм╕рмВрмХрнНрм╖рнЗрмкрм░рнЗ

  • рмкрмдрнНрм░рмХрнБ рм▓рмЧрм╛рмдрм╛рм░ рмЦрм╛рмЗрммрм╛ рмжрнНрн▒рм╛рм░рм╛ рмХрнНрм╖рмдрм┐ рм╣рнЛрмЗрмерм╛рмП.
  • рмкрмдрнНрм░ рм╕рммрнБ рмЭрмбрм┐рмпрм╛рмП.
  • рмкрнНрм░рмЬрм╛рмкрмдрм┐ рмЧрнБрмбрм┐рмХрм░ рмзрнБрм╕рм░-рммрм╛рмжрм╛рморнА рмжрнЗрм╣ рм╕рм╣ рмЪрм┐рмдрнНрм░ рммрм┐рмЪрм┐рмдрнНрм░ рмкрм░ рмерм╛рмП.
  • рмкрмдрнНрм░ рмзрм╛рм░ рмЙрмкрм░рнЗ рмЧрнБрмбрм╛рмП рмЕрмгрнНрмбрм╛ рмжрнЗрмЗ рмерм╛рмЖрмирнНрмдрм┐.

рмормзрнНрнЯ рмжрнЗрмЦрм╛ рмпрм╛рмЗрмкрм╛рм░рнЗ

39 рмлрм╕рм▓ рмЧрнБрмбрм┐рмХ

рмЯрморм╛рмЯ

рм▓рмХрнНрм╖рмг

рм╕рм╛рмЩрнНрмЧрнЗ рм╕рм╛рмЩрнНрмЧрнЗ рмлрнБрмЯрм┐рмерм┐рммрм╛ рм▓рм╛рм░рнНрмнрм╛ рм╕рм╛рморнБрм╣рм┐рмХ рмнрм╛рммрнЗ рмкрмдрнНрм░ рм░рм╛рморнНрмкрм┐ рмЦрм╛рмЗрмерм╛рмирнНрмдрм┐ рмПрммрмВ рмкрнБрм░рм╛ рмЧрмЫрм░рнЗ рмкрнНрм░рмнрм╛рмм рмкрмХрм╛рмЗрмерм╛рмирнНрмдрм┐. рммрмб рм▓рм╛рм░рнНрмнрм╛ рм╕рммрнБ рммрм┐рм╕рнНрмдрм╛рм░рм┐рмд рм╣рнЛрмЗ рмпрм╛рмирнНрмдрм┐ рмПрммрмВ рм░рм╛рмдрм┐рм░рнЗ рмкрмдрнНрм░ рмЦрм╛рмЗрмерм╛рмирнНрмдрм┐. рмжрм┐рми рм░рнЗ рмПрморм╛рмирнЗ рм╕рм╛рмзрм╛рм░рмгрмдрмГ рмЧрмЫ рморнВрм│ рмкрм╛рмХрм╣рм░рнЗ рморм╛рмЯрм┐рм░рнЗ рмЫрнБрмкрм┐ рм░рм╣рм┐рмерм╛рмирнНрмдрм┐. рммрм╛рм▓рм┐рмЖ рморм╛рмЯрм┐рм░рнЗ рм▓рм╛рм░рнНрмнрм╛ рмЪрм┐рмирм╛рммрм╛рмжрм╛рмо рмЦрнЛрм╕рм╛ рмХрм┐рморнНрммрм╛ рморнВрм│ рмкрм╛рмЦрмХрнБ рмкрм╣рмЮрнНрмЪрм┐рмкрм╛рм░рнЗ рмПрммрмВ рмХрнНрм╖рмдрм┐ рмХрм░рм┐ рмкрм╛рм░рнЗ. рм▓рм╛рм░рнНрмнрм╛ рмжрнНрн▒рм╛рм░рм╛ рммрнНрнЯрм╛рмкрмХ рмнрм╛рммрнЗ рмкрмдрнНрм░ рмЦрм╛рмЗрммрм╛ рмпрнЛрмЧрнБрмБ рмЧрмЫрм░рнЗ рмХрнЗрммрм│ рмбрм╛рмЩрнНрмЧ рмЖрмЙ рм╢рм╛рмЦрм╛ рм░рм╣рм┐рмпрм╛рмП.

Recommendations

рмЬрнИрммрм┐рмХ рмирм┐рнЯрмирнНрмдрнНрм░рмг

рмкрм░рмЬрнАрммрнА рммрм┐рм░рнБрмбрм┐ рмЬрм╛рмдрнАрнЯ рмкрнНрм░рмЬрм╛рмдрм┐ рмпрмерм╛ рмЯрнНрм░рм╛рмЗрмХрнЛрмЧрнНрм░рм╛рморм╛ рмХрм╛рмЗрм▓рнЛрмирм┐рм╕ (Trichogramma Chilonis), рмЯрнЗрм▓рм┐рмирнЛрморм╕рнН рм░рнЗрморм╕рнН (Telenomus Remus) рмХрм┐рморнНрммрм╛ рмЖрмкрм╛рмгрнНрмЯрнЗрм▓рм╕рнН рмЖрмлрнНрм░рм┐рмХрм╛рмирм╕рнН (Apanteles Africanus) рмЕрмгрнНрмбрм╛ рмУ рм▓рм╛рм░рнНрмнрм╛ рмЦрм╛рмЗрмерм╛рмирнНрмдрм┐. рмЬрнИрммрм┐рмХ рмХрнАрмЯрмирм╛рм╢рмХ рмирнНрнЯрнБрмХрнНрм▓рм┐рнЯрм░рнН рмкрм▓рм┐рм╣рнЗрмбрнНрм░рнЛрм╕рм┐рм╕рнН рмнрм╛рмЗрм░рм╕рнН (Nuclear Polyhedrosis Virus) (NPV) рмХрм┐рморнНрммрм╛ рммрнНрнЯрм╛рм╕рм┐рм▓рм╕рнН рмернНрнЯрнБрм░рмВрмЬрнЗрмирнЗрм╕рм┐рм╕рнН (Bacillus Thuringiensis) (BT ) рмормзрнНрнЯ рмнрм▓ рмХрм╛рмо рмХрм░рм┐рмерм╛рмП. рмЕрмирнНрнЯ рммрм┐рмХрм│рнНрмк рмормзрнНрнЯрм░рнЗ рмкрнЛрмХрм░рнЗ рм░рнЛрмЧ рм╕рмВрмХрнНрм░рмормг рмХрм░рнБрмерм┐рммрм╛ рмХрммрмХ рмирнЛрморнНрнЯрнБрм░рнЗрнЯ рм░рм╛рмЗрм▓рнЗрнЯ (Nomuraea Rileyi) and рм╕рнЗрм░рм╛рмЯрм┐рмЖ рморм╛рм░рнНрм╕рм┐рм╕рнЗрмирнНрм╕ (Serratia Marcescens) рмормзрнНрнЯ рм╕рнНрмкрнНрм░рнЗ рмХрм░рм╛рмпрм╛рмЗрмкрм╛рм░рнЗ. рм╕рмирнНрмзрнНрнЯрм╛рм░рнЗ рмХрнБрмгрнНрмбрм╛ рмУ рмЧрнБрмбрм░ рморм┐рм╢рнНрм░рмг рмкрнНрм░рнЯрнЛрмЧ рмХрм░рм┐ рмкрнЛрмХ рм╕рмВрмЧрнНрм░рм╣ рмХрм░рм╛рмпрм╛рмЗрмкрм╛рм░рнЗ. рмирм┐рмо рмдрнЗрм▓ рмПрммрмВ рмХрм░рмЮрнНрмЬ (Pongamia Glabra) рмормЮрнНрмЬрм┐ рм░ рмдрнЗрм▓ рммрнНрнЯрммрм╣рм╛рм░ рмХрм▓рнЗ рмЪрм┐рмирм╛рммрм╛рмжрм╛рмо рм░рнЗ рмнрм▓ рмнрм╛рммрнЗ рм╕рнНрмкрнЛрмбрнЛрмкрнНрмЯрнЗрм░рм╛ рм▓рм┐рмЯрнНрнЯрнБрм░рм╛ (Spodoptera Litura) рм░ рм▓рм╛рм░рнНрмнрм╛ рмирм┐рнЯрмирнНрмдрнНрм░рмг рм╣рнЛрмЗрмерм╛рмП. рмЕрмгрнНрмбрм╛ рмирм┐рнЯрмирнНрмдрнНрм░рмг рмкрм╛рмЗрмБ рмЖрмпрм╝рм╛рмбрм╛рмЗрм░рм╛рмХрнНрмЯрм┐рмирнН (Azadirachtin) 1500 ppm @ 5ml/l рмХрм┐рморнНрммрм╛ NSKE 5% рмкрнНрм░рнЯрнЛрмЧ рмХрм░рм╛ рмпрм╛рмЗрмкрм╛рм░рнЗ рмпрм╛рм╣рм╛ рмжрнНрн▒рм╛рм░рм╛ рмЕрмгрнНрмбрм╛ рмлрнБрмЯрм┐ рмкрм╛рм░рм┐ рмирмерм╛рмП.

рм░рм╛рм╕рм╛рнЯрмирм┐рмХ рмирм┐рнЯрмирнНрмдрнНрм░рмг

рм░рнЛрмЧрм░ рмкрнНрм░рмдрм┐рмХрм╛рм░ рм╕рммрнБрммрнЗрм│рнЗ рм╕рмормирнНрммрм┐рмд рмЙрмкрм╛рнЯ рм░рнЗ рмХрм░рм┐рммрм╛ рмжрм░рмХрм╛рм░, рмПрмерм┐рмкрм╛рмЗрмБ рмЙрмкрм▓рммрнНрмз рмЬрнИрммрм┐рмХ рмирм┐рнЯрмирнНрмдрнНрм░рмг рм╕рм╣ рмирм┐рммрм╛рм░рмг рмЙрмкрм╛рнЯрмХрнБ рмормзрнНрнЯ рмзрнНрнЯрм╛рми рмжрнЗрммрм╛ рмжрм░рмХрм╛рм░. рмХрнАрмЯрмирм╛рм╢рмХ рм░ рммрнНрнЯрм╛рмкрмХ рмкрнНрм░рнЯрнЛрмЧ рмжрнНрн▒рм╛рм░ рмкрнЛрмХрм░ рмкрнНрм░рмдрм┐рм░рнЛрмз рмХрнНрм╖рмормдрм╛ рммрмврм╝рм╛рмЗ рмерм╛рмП. рмпрнБрммрм╛ рм▓рм╛рм░рнНрмнрм╛ рмХрнБ рмирм┐рнЯрмирнНрмдрнНрм░рмг рмХрм░рм┐рммрм╛ рмкрм╛рмЗрмБ рмХрнНрм▓рнЛрм░рнЛрмкрм╛рмЗрм░рм┐рмлрнЛрм╕рнН (Chlorpyrifos) (2.5 ml/l), рмПрморм╛рморнЗрмХрнНрмЯрм┐рмирнН (Emamectin) (0.5 g/l), рмлрнНрм▓рнБрммрнЗрмирмбрм╛рнЯрм╛рморм╛рмЗрмбрнН (Flubendiamide) (0.5ml/l), рмХрнНрм▓рнЛрм░рм╛рмгрнНрмЯрнНрм░рм╛рмирм┐рм▓рм┐рмкрнНрм░рнЛрм▓рнН (Chlorantraniliprole) (0.3 ml/l), рмЗрмгрнНрмбрнЛрмХрнНрм╕рм╛рмХрм╛рм░рнНрмм (Indoxacarb) and рммрм╛рмЗрмлрнЗрмирмернНрм░рнАрмирнН (Bifenthrin) рммрнНрнЯрммрм╣рм╛рм░ рмХрм░рм╛рмпрм╛рмЗрмкрм╛рм░рнЗ. рммрм┐рм╖рм╛рмХрнНрмд рмЦрм╛рмжрнНрнЯ рморм┐рм╢рнНрм░рмг рмжрнЗрмЗ рммрмбрм╝ рм▓рм╛рм░рнНрмнрм╛ рмХрмХрнБ рмирм┐рнЯрмирнНрмдрнНрм░рмг рмХрм░рм╛рмпрм╛рмЗрмкрм░рнЗ. рмЙрмжрм╛рм╣рм░рмг рм╕рнНрн▒рм░рнВрмк 5рмХрм┐рмЧрнНрм░рм╛ рмХрнБрмгрнНрмбрм╛ + 1/2 рмХрм┐рмЧрнНрм░рм╛ рмЧрнБрмб + 500 рморм┐рм▓рм┐ рмХрнНрм▓рнЛрм░рнЛрмкрм╛рмЗрм░рм┐рмлрнЛрм╕рнН (Chlorpyrifos).

рмПрм╣рм╛рм░ рмХрм╛рм░рмг рмХрмг

рммрнЯрм╕рнНрмХ рмкрнНрм░рмЬрм╛рмкрмдрм┐ рм░ рм╢рм░рнАрм░ рмзрнВрм╕рм░рм┐рмд рммрм╛рмжрм╛рморнА рм░рмЩрнНрмЧ рмПрммрмВ рмПрм╣рм╛рм░ рмЖрмЧ рмбрнЗрмгрм╛ рм░рмЩрнНрмЧрммрнЗрм░рмЩрнНрмЧ рм╣рнЛрмЗрмерм╛рмП рмпрм╛рм╣рм╛рм░ рмзрм╛рм░рм░рнЗ рмзрм│рм╛ рмдрм░рмЩрнНрмЧрм┐рмд рмЪрм┐рм╣рнНрми рмерм╛рмП. рмкрмЫ рмбрнЗрмгрм╛ рмкрм╛рм░рмжрм░рнНрм╢рнА рмзрм│рм╛ рм░рмЩрнНрмЧрм░ рм╣рнЛрмЗрмерм╛рмП рмпрм╛рм╣рм╛рм░ рмзрм╛рм░ рмУ рм╢рм┐рм░рм░рнЗ рммрм╛рмжрм╛рморнА рм░рмЩрнНрмЧрм░ рм░рнЗрмЦрм╛ рм╕рммрнБ рмерм╛рмП. рморм╛рмЗ рмкрнЛрмХ рм╢рм╣ рм╢рм╣ рмЕрмгрнНрмбрм╛ рморнЗрмВрмЪрм╛ рморнЗрмВрмЪрм╛ рмХрм░рм┐ рмкрмдрнНрм░рм░ рмЙрмкрм░рм┐ рмнрм╛рмЧрм░рнЗ рмжрнЗрмЗрмерм╛рмП. рмПрм╣рм┐ рмЕрмгрнНрмбрм╛ рм╕рнБрмирнЗрм▓рм┐ рммрм╛рмжрм╛рмо рм░рмЩрнНрмЧрм░ рмХрм╛рмдрм┐ рм░рнЗ рмШрнЛрмбрм╛рмЗ рм╣рнЛрмЗрмерм╛рмП. рмЕрмгрнНрмбрм╛ рмлрнБрмЯрм┐рм▓рм╛ рмкрм░рнЗ рм╡рм╛рм▓рм╛ рмирмерм┐рммрм╛ рмЗрм╕рмд рм╕рммрнБрмЬ рм░рмЩрнНрмЧрм░ рм▓рм╛рм░рнНрмнрм╛ рмЕрмдрм┐ рм╢рнАрмШрнНрм░ рммрм┐рм╕рнНрмдрм╛рм░рм┐рмд рм╣рнЛрмЗ рм╕рм╛рморнБрм╣рм┐рмХ рмнрм╛рммрнЗ рмкрмдрнНрм░ рм╕рммрнБ рмЦрм╛рмЗрмерм╛рмирнНрмдрм┐. рммрмб рм▓рм╛рм░рнНрмнрм╛ рмЧрм╛рнЭ рм╕рммрнБрмЬ рм░рнБ рммрм╛рмжрм╛рморнА рм░рмЩрнНрмЧ рм╣рнЛрмЗрмерм╛рмирнНрмдрм┐ рмпрм╛рм╣рм╛рм░ рмкрм╛рм░рнНрм╢рнНрн▒рм░рнЗ рмХрм│рм╛ рмЪрм┐рм╣рнНрми рмерм╛рмП. рмПрморм╛рмирмЩрнНрмХрм░ рмкрнЗрмЯ рмЙрмкрм░рнЗ рмХрм┐рмЫрм┐ рмжрм╛рмЧ рмирмерм╛рмП. рмПрм╣рм┐ рм▓рм╛рм░рнНрмнрм╛рм░ рмжрнБрмЗ рмкрм╛рмЦрм░рнЗ рм╣рм│рмжрм┐рмЖ рм░рмЩрнНрмЧрм░ рмжрнБрмЗрмЯрм┐ рм▓рморнНрммрм╛ рмкрмЯрнНрмЯрм┐ рмерм╛рмП рмпрнЗрмЙрмБрмерм┐рм░рнЗ рмормЭрм┐рм░рнЗ рмормЭрм┐рм░рнЗ рмдрм┐рмирм┐рмХрнЛрмгрм┐рмЖ рмХрм▓рм╛ рмЪрм┐рм╣рнНрми рмжрнЗрмЦрм╛рмпрм╛рмП. рмирм╛рм░рмЩрнНрмЧрнА рм░рмЩрнНрмЧрм░ рмкрмЯрнНрмЯрм┐ рмкрм┐рмарм┐рм░рнЗ рмерм╛рмП рмпрм╛рм╣рм╛ рмжрнБрмЗ рмкрм╛рм░рнНрм╢рнНрн▒рм░рнЗ рмерм┐рммрм╛ рмХрм│рм╛ рмЪрм┐рм╣рнНрми рмХрнБ рмпрнЛрмбрм╝рм┐рмерм╛рмП. рм▓рм╛рм░рнНрмнрм╛ рм░рм╛рмдрм┐рм░рнЗ рмкрмдрнНрм░ рмЦрм╛рмЗрмерм╛рмП рмПрммрмВ рмжрм┐рмирм░рнЗ рморм╛рмЯрм┐рм░рнЗ рмЫрнБрмкрм┐ рм░рм╣рм┐рмерм╛рмП. рм▓рм╛рм░рнНрмнрм╛ рмПрммрмВ рммрнЯрм╕рнНрмХ рмкрнЛрмХ 15- 35┬░C рмдрм╛рмкрморм╛рмирм░рнЗ рммрмВрмЪрм┐рмкрм╛рм░рмирнНрмдрм┐ рмПрммрмВ рмЙрмкрмпрнБрмХрнНрмд рмдрм╛рмкрморм╛рми рм╣рнЗрм▓рм╛ 25 ┬░C. рмХрмо рмЖрм░рнНрмжрнНрм░рмдрм╛ рмПрммрнЗрмо рмЕрмзрм┐рмХ рмХрм┐рморнНрн▒рм╛ рмХрм╛рмо рмдрм╛рмкрморм╛рми рмкрнНрм░рмЬрмирми рмХрнНрм╖рмормдрм╛ рмХрнБ рмХрмо рмХрм░рм┐рмерм╛рмП рмпрм╛рм╣рм╛рмлрм│рм░рнЗ рмЬрнАрммрми рмЪрмХрнНрм░ рм░ рм╕рморнЯ рммрмврм┐ рмпрм╛рмЗрмерм╛рмП.


рм╕рнБрм░рмХрнНрм╖рм╛рмдрнНрмормХ рмЙрмкрм╛рнЯ

  • рммрмЬрм╝рм╛рм░рм░рнЗ рморм┐рм│рнБрмерм┐рммрм╛ рм╕рм╣рмирм╢рнАрм│ рмХрм┐рм╕рморм░ рммрм┐рм╣рми рм▓рмЧрм╛рмирнНрмдрнБ.
  • рм╢рнАрмШрнНрм░ рмлрм╕рм▓ рм▓рмЧрм╛рмирнНрмдрнБ рмпрм╛рм╣рм╛ рмлрм│рм░рнЗ рм╕рм░рнНрммрм╛рмзрм┐рмХ рмкрнЛрмХрм╕рмВрмЦрнНрнЯрм╛рм░рнБ рммрмВрмЪрм┐ рмкрм╛рм░рм┐рммрнЗ.
  • рм╕рм┐рмЬрми рмормЭрм┐рм░рнЗ рморм░рнБрмбрм╝рм┐рм░рнБ рммрмЮрнНрмЪрм┐рммрм╛ рмкрм╛рмЗрмБ рмирм┐рнЯрморм┐рмд рмнрм╛рммрнЗ рмЬрм│рм╕рнЗрмЪрми рмХрм░рмирнНрмдрнБ.
  • рмЯрнНрм░рм╛рмк рмлрм╕рм▓ рмпрмерм╛ рм╕рнВрм░рнНрмпрнНрнЯрморнБрмЦрнА, рм╕рм╛рм░рнБ рмПрммрмВ рмЬрмбрм╝рм╛ рмХрмкрм╛ рмлрм╕рм▓ рмормЭрм┐рм░рнЗ рмдрмерм╛ рмЪрм╛рм░рм┐рмкрмЯрнЗ рм▓рмЧрм╛рмирнНрмдрнБ.
  • рмкрнЛрмХрмЩрнНрмХрнБ рмжрнБрм░рнЗрмЗ рм░рмЦрнБрмерм┐рммрм╛ рмЧрмЫ рмпрнЗрморм┐рмдрм┐рмХрм┐ рмдрнБрм│рм╕рнА рм▓рмЧрм╛рмирнНрмдрнБ.
  • рмлрм╕рм▓ рморм╛рмВрмЭрм┐рм░рнЗ рммрм┐рмнрм┐рмирнНрми рмЬрм╛рмЧрм╛рм░рнЗ рмкрмХрнНрм╖рнА рморм╛рмирмЩрнНрмХ рмкрм╛рмЗрмБ рмЦрнБрмгрнНрмЯ рм▓рмЧрм╛рмирнНрмдрнБ.
  • рмкрнНрм░рмЬрм╛рмкрмдрм┐ рмХрнБ рмЖрмХрм░рнНрм╖рмг рмХрм░рм┐рммрм╛ рмкрм╛рмЗрмБ рмЖрм▓рнЛрмХ рмХрм┐рморнНрммрм╛ рмлрнЗрм░рнЛрморнЛрми рмЯрнНрм░рм╛рмк рммрнНрнЯрммрм╣рм╛рм░ рмХрм░рмирнНрмдрнБ.
  • рмЬрморм┐рм░рнЗ рмкрнЛрмХрм░ рмЕрмгрнНрмбрм╛, рм▓рм╛рм░рнНрмнрм╛ рмПрммрмВ рмХрнНрм╖рнЯрмХрнНрм╖рмдрм┐ рмирм┐рм░рнАрмХрнНрм╖рмг рмХрм░рмирнНрмдрнБ.
  • рмЕрмгрнНрмбрм╛ рмПрммрмВ рм▓рм╛рм░рнНрмнрм╛ рморнБрмЦрнНрнЯ рмлрм╕рм▓ рмПрммрмВ рмЯрнНрм░рм╛рмк рмлрм╕рм▓рм░рнБ рм╕рмВрмЧрнНрм░рм╣ рмХрм░рм┐ рмирм╖рнНрмЯ рмХрм░рм┐рмжрм┐рмЕрмирнНрмдрнБ.
  • рммрм┐рм╣рми рммрнБрмгрм┐рммрм╛рм░ 15-20 рмжрм┐рмирм░рнЗ рмЕрмирм╛рммрмирм╛ рмШрм╛рм╕ рм╕рмлрм╛ рмХрм░рмирнНрмдрнБ.
  • рмЕрмирнНрмдрмГ рмлрм╕рм▓ рмХрм╛рмо рмХрм▓рм╛ рммрнЗрм│рнЗ рмЧрмЫрм░ рмпрмдрнНрми рмирм┐рмЕрмирнНрмдрнБ рмпрнЗрмкрм░рм┐рмХрм┐ рмЧрмЫ рм╕рммрнБ рмХрнНрм╖рмдрммрм┐рмХрнНрм╖рмд рми рм╣рнБрмЕрмирнНрмдрм┐.
  • рмХрнГрм╖рм┐ рмпрмирнНрмдрнНрм░ рмПрммрмВ рмЙрмкрмХрм░рмг рм╕рммрнБ рм╕рмлрм╛ рм░рмЦрмирнНрмдрнБ.
  • рмЧрмнрнАрм░ рмЪрм╛рм╖ рмХрм░рмирнНрмдрнБ рмпрм╛рм╣рм╛ рмлрм│рм░рнЗ рмкрнНрм░рм╛рмХрнГрмдрм┐рмХ рм╢рм┐рмХрм╛рм░рнА рм╕рнНрмкрнЛрмбрнЛрмкрнНрмЯрнЗрм░рм╛ (Spodoptera) рм░ рмкрнНрнЯрнБрмкрм╛ рмХрнБ рмЦрм╛рмЗрмкрм╛рм░рм┐рммрнЗ рмПрммрмВ рмкрм╛рмгрм┐рмкрм╛рмЧ рмЬрмирм┐рмд рмХрм╛рм░рмг рмпрнЛрмЧрнБрмБ рмкрнНрнЯрнБрмкрм╛ рмирм╖рнНрмЯ рм╣рнЛрмЗрмпрм┐рммрнЗ.

рмкрнНрм▓рм╛рмгрнНрмЯрм┐рмХрнНрм╕ рмбрм╛рмЙрмирм▓рнЛрмбрнН рмХрм░рмирнНрмдрнБ