మొక్కజొన్న
మొక్కజొన్నలో క్లోరోటిక్ మోటెల్ వైరస్
MCMV
వైరస్
5 mins to read
క్లుప్తంగా
- అనేక చిన్న చిన్న పసుపు రంగు చుక్కలు మరియు చారలు ఆకులపై ఏర్పడతాయి.
- తరువాత పాలిపోయిన చారలు లేదా మచ్చలు ఆకు మొత్తం వ్యాపించవచ్చు.
- పొత్తులు రూపు మారిపోవడం, చిన్న సైజు కణుపులు మరియు ఎదుగుదల తగ్గిపోవడం వంటి లక్షణాలు కనపడతాయి.
లో కూడా చూడవచ్చు
మొక్కజొన్న
లక్షణాలు
వివిధ హైబ్రీడ్ రకాలు మరియు మొక్కలకు ఈ తెగులు సోకిన దశలను బట్టి తెగులు తీవ్రత ఉంటుంది. ఈనెల సమాంతరంగా ఏర్పడిన అనేక చిన్న చిన్న పసుపు రంగు చుక్కలు మరియు చారల ద్వారా ఈ తెగులును గుర్తించవచ్చు. ఇవి పెద్దగా అయ్యి ఒకదానితో ఇంకొకటి కలిసిపోయి పొడవాటి చారలు, పట్టీలు లేదా పాలిపోయిన కణజాలపు మచ్చలుగా ఏర్పడతాయి. చివరకు ఆకులు నిర్జీవంగా మారిపోతాయి. మొక్కల కణుపులు చిన్నగా ఉండి మరుగుజ్జులుగా కనిపిస్తాయి. మగ పుష్పగుచ్చం చిన్న కాడలతో మరియు రేఖలతో ఉండి రూపం కోల్పోతుంది. ఈ తెగులు ముందరి దశలలో సంక్రమించినట్లైతే పొత్తులు సరిగా వృద్ధి చెందవు మరియు మొక్కకు చాలా తక్కువ సంఖ్యలో పొత్తులు వస్తాయి.
Recommendations
సేంద్రీయ నియంత్రణ
వైరస్ తెగుళ్లను నేరుగా నియంత్రించడం వీలుపడదు. ఈ తెగులు సోకకుండా చూడడానికి మేలైన విత్తన రకాలను వాడడం అత్యుత్తమమైన పద్దతి. ఈ వైరస్ ను వ్యాపింపచేసే పెంకు పురుగులు, తామర పురుగులు లేదా నల్లులను ఎలా నిర్మూలించాలో డేటా బేస్ లో చూసి తెలుసుకోండి.
రసాయన నియంత్రణ
వీలైనంతవరకు ఎల్లపుడూ నివారణ చర్యలతో కూడిన జీవపరమైన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. వైరల్ తెగుళ్లను రసాయనాలను వాడి నియంత్రించలేము. కానీ ఈ తెగులు వాహకాలైన కీటకాలను కీటక నాశినులతో నియంత్రించవచ్చు.
దీనికి కారణమేమిటి?
వివిధ రకాల కీటకాల వలన వ్యాప్తి చెందే ఏం సి ఎం వి అనే వైరస్ వలన ఈ తెగులు మొక్కజొన్న మొక్కలకు సంక్రమిస్తుంది: మిడతలు, పెంకు పురుగులు, మరియు కొన్ని జాతుల నల్లులు ( టెట్రానిచూస్ spp.)మరియు తామర పురుగులు ( ఫ్రాంక్లినేయేళ్ల spp.) ముందుగానే తెగులు సోకిన మొక్కల ద్వారా ఈ ఎం సి ఎం వి కొత్త ప్రాంతాలలోని మొక్కజొన్న పంటకు వ్యాపిస్తుంది. పైన వివరించిన కీటకాల ద్వారా ఈ తెగులు ఆరోగ్యంగా వున్న మొక్కలకు వ్యాపిస్తుంది. మొక్కజొన్న పంట పొలంలో వేయకముందు ఇవి లార్వా దశలో ఉండిపోతాయి. ఇది విత్తనాల ద్వారా వ్యాపించదు. కానీ మొక్కలకు తగిలిన గాయాల ద్వారా ఈ తెగులు సంక్రమించే అవకాశం వుంది. అధిక ఉష్ణోగ్రత, మొక్కలలో వత్తిడి మరియు అధిక సమయం తడి వాతావరణం ఈ తెగులు వృద్ధి చెందడానికి అనువైన పరిస్థితులు.
నివారణా చర్యలు
- అందుబాటులో ఉంటే ఈ తెగులును తట్టుకునే మొక్కల రకాలను ఉపయోగించండి.
- ఈ తెగులు మొక్కలకు సంక్రమించకుండా ఉండడానికి ఇది చాలా ముఖ్యం.
- పొలాన్ని తరుచూ గమనిస్తూ తెగులు సోకిన మొక్కలను తొలగించండి.
- పొలంలో పని చేస్తున్నప్పుడు మొక్కలకు గాయాలు తగలకుండా చూడండి.
- కలుపు మొక్కలను, ముఖ్యంగా గడ్డి రకాలను, తొలగించండి.
- కోతల తర్వాత పంట అవశేషాలు మట్టిలో కలయునట్లు పొలాన్ని దున్నండి.
- ఒక సంవత్సరం ఈ తెగులు సోకని పంటతో పంట మార్పిడి చేయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
