Pectobacterium carotovorum subsp. carotovorum
బ్యాక్టీరియా
5 mins to read
ప్రారంభంలో నీటిలో నానినట్టువుండే మచ్చలు ఏర్పడతాయి. తర్వాత అవి విస్తరించి మృదువుగా మారుతాయి. మచ్చల క్రింద ఉన్న మొక్కల కణజాలాలు మెత్తగా మారి క్రీమ్ నుండి నలుపు రంగుకు మారుతాయి. తెగులు తీవ్రత ఎక్కువగా ఉన్నప్పుడు ఆకులు, కాండం మరియు వేర్లు పూర్తిగా కుళ్ళిపోతాయి. ఒక బలమైన వాసన ని గమనించవచ్చు.
ఈ వ్యాధికి వ్యతిరేకంగా అందుబాటులో ఉన్న జీవ నియంత్రణ పద్ధతి గురించి ఈ రోజు వరకు మనకు తెలియదు. వ్యాధి సంభవం లేదా లక్షణాల తీవ్రతను తగ్గించడానికి ఏదైనా విజయవంతమైన పద్ధతి మీకు తెలిస్తే, దయచేసి మమ్మల్ని సంప్రదించండి.
అందుబాటులో ఉన్నట్లయితే జీవ చికిత్సలతో పాటు నివారణ చర్యలతో కూడిన సమీకృత విధానాన్ని ఎల్లప్పుడూ పరిగణలోకి తీసుకోండి. బాక్టీరియాని నియంత్రించడం వీలుపడనందున ముందుగా నివారణ చర్యలు తీసుకోవాలి. బాక్టీరియల్ వ్యాధికారకాలను నిరోధించడానికి మరియు అణచివేయడానికి రాగి ఆధారిత శిలీంద్ర నాశినులను ఉపయోగించండి. సిప్రోఫ్లోక్సాసిన్ కూడా వ్యాధిని నిరోధిస్తుంది.
పెక్టోబాక్టీరియం కరోటోవరమ్ అనే బ్యాక్టీరియా వల్ల నష్టం జరుగుతుంది, ఇది నేల మరియు పంట అవశేషాలలో జీవించి ఉంటుంది. ఇది పనిముట్లు, కీటకాలు, వడగళ్ళ వలన కలిగే నష్టం లేదా సహజ రంధ్రాల వల్ల కలిగే గాయాల ద్వారా పంటలోకి ప్రవేశిస్తుంది. వ్యాధికారక క్రిమి కీటకాలు, టూల్స్, వ్యాధి సోకిన మొక్కల పదార్థాల కదలిక, నేల లేదా కలుషితమైన నీటి ద్వారా వ్యాపిస్తుంది. తడి వాతావరణం మరియు 25-30°C యొక్క వెచ్చని ఉష్ణోగ్రతల సమయంలో ఇది పెద్ద సమస్యగా మారుతుంది మరియు మొక్కలు కాల్షియం లోపంతో బాధపడుతున్నప్పుడు మరింత తీవ్రంగా ఉంటుంది. ఇది పొలంలో మరియు స్టోరేజ్ లో కూడా సంభవిస్తుంది.