చెరుకు
వైట్ టాప్ బోరర్
Scirpophaga excerptalis
కీటకం
5 mins to read
క్లుప్తంగా
- డెడ్ హార్ట్.
- ఆకు అంతటా సమాంతర రంధ్రాలు ఏర్పడతాయి.
- కాండం, పెరుగుతున్న పాయింట్లు మరియు ఆకులలో అంతర్గతంగా తిన్న గుర్తులు.
- వెండి తెలుపు రంగు చిమ్మట.
చెరుకు
లక్షణాలు
ఆకును తెరిచినప్పుడు ఆకు బ్లేడ్ పై అనేక సమాంతర రంధ్రాల శ్రేణి ఈ పురుగులు తినడం వలన కలిగిన నష్టం యొక్క స్పష్టమైన లక్షణం. ఆకు మధ్యభాగాలలో గోధుమ రంగు ఎండిన సొరంగాలు ఉంటాయి, ఇది దాడి యొక్క ప్రారంభ దశను గుర్తించడానికి చాలా ముఖ్యమైన లక్షణం. ఎదిగే భాగాలకు దగ్గరగా ఆకు పైభాగం వైపు గుడ్డు సమూహాలు కనిపిస్తాయి, ఇవి ఎదిగే మొక్క భాగాలపై దాడి చేసి కొమ్మను చంపుతాయి. చెరకు డెడ్ హార్ట్స్ ను పొంది ఎర్రటి గోధుమ రంగులోకి మారతాయి. పై చిగురు వాడిపోయి, కుంగిపోతుంది. ప్రక్క రెమ్మలు ఎదగడం వలన మొక్క గుబురుగా కనిపిస్తుంది. నేల కి సమీపంలో ఉన్న కాండంలో చిన్న రంధ్రాలను గమనించవచ్చు. ఒక మొలకలో ఒక లార్వా మాత్రమే తింటుంది.
Recommendations
సేంద్రీయ నియంత్రణ
ట్రైకోగ్రామా చిలినీస్ ను 10,000/హెక్టారు చొప్పున 10 రోజుల వ్యవధిలో 2-3 సార్లు వాడాలి లేదా ఇచ్న్యుమోనిడ్ పరాన్నజీవి గాంబ్రోయిడ్స్ (ఐసోటిమా) జావెన్సిస్ (హెక్టారుకు 100 జతలు)ను శాశ్వత పరాన్నజీవిగా పరిచయం చేయవచ్చు.
రసాయన నియంత్రణ
అందుబాటులో ఉంటే జీవసంబంధమైన చికిత్సలతో పాటు నివారణ చర్యలతో కూడిన సమగ్ర సస్యరక్షణ విధానాన్ని ఎల్లప్పుడూ పరిగణలోకి తీసుకోండి. కార్బోఫ్యురాన్ 5% జి (హెక్టారుకు 33.3 కిలోలు), క్లోరాంత్రనిప్రోల్ 18.5% ఎస్ సి (375 మి.లీ/హెక్టారు) వంటి పురుగుమందులను పిచికారీ చేయాలి. వేరు ప్రాంతంలో ఒక చిన్న రంధ్రాన్ని చేసి, అందులో కార్బోఫ్యురాన్ గుళికలను వేసి, తరువాత కొద్దిగా నీరు పెట్టాలి. అయితే లేత పిలకలను చేతి ద్వారా కత్తిరించి తొలగించడం చాలా ప్రభావవంతంగా ఉంటుంది.
దీనికి కారణమేమిటి?
చెరకు వైట్ టాప్ బోరర్, సిర్పోఫాగా ఎక్సెర్ప్టాలిస్ వలన నష్టం జరుగుతుంది. పెద్ద చిమ్మట ఈక లాంటి టిప్ తో వెండి-తెలుపు రంగు రెక్కల ను కలిగి ఉంటుంది. ఆడ చిమ్మట పసుపు-గోధుమ వెంట్రుకలతో కప్పబడిన గుడ్లు పెడుతుంది. చుట్టబడివున్న ఆకుల ద్వారా లార్వా ప్రవేశించి నష్టాన్ని కలిగిస్తుంది. లార్వా 35 మి.మీ పొడవు, క్రీమ్ తెలుపు లేదా పసుపు మరియు గోధుమ రంగు తల, చారలు లేకుండా, సన్నని చిన్న కాళ్ళతో ఉంటాయి. ఇవి మొక్క యొక్క ప్రధాన ఈనె గుండా తిని మొక్క యొక్క ప్రధాన భాగానికి చేరుకుంటాయి. మూడవ తరం పురుగులు చెరుకులో అత్యధిక నష్టాన్ని కలిగిస్తాయి. లేత మొక్కలు, ముఖ్యంగా తేమతో కూడిన వాతావరణంలో, తెగులుకు ఎక్కువగా గురవుతాయి.
నివారణా చర్యలు
- అందుబాటులో ఉంటే సి ఓ 419, సి ఓ 745, సి ఓ 6516, సి ఓ 859, సి ఓ 1158 లేదా సి ఓ 7224 వంటి సహనాత్మక లేదా నిరోధక రకాలను ఉపయోగించండి.
- నాటడానికి వరుసల వ్యవస్థలకు ప్రాధాన్యత ఇవ్వబడుతుంది.
- సుగంధ ద్రవ్యాలు లేదా పప్పుధాన్యాలు వంటి హోస్ట్ కాని పంటల ను అంతర పంటలుగా వేయండి.
- మొక్కజొన్న, జొన్నను అంతర పంటలుగా ఉపయోగించవద్దు.
- పెద్ద చిమ్మటలను పర్యవేక్షించడానికి మీ పొలంలో హెక్టారుకు 2-3 లింగాకర్షక బుట్టలను ఉంచండి.
- సహజ శత్రువులు బైటకు వచ్చే విధంగా 5 హెక్టార్లకు 2 కాంతి లేదా లింగాకర్షక బుట్టలను అమర్చండి.
- ప్రత్యామ్నాయంగా ఉదయం లేదా సంధ్యా సమయంలో ఏరియల్ వలలను ఏర్పాటు చేయండి.
- వ్యాధి సోకిన మొక్క భాగాలను తొలగించండి.
- గుడ్లు పెడుతున్న సమయంలో గుడ్డు ద్రవ్యరాశిని సేకరించండి.
- అలాగే, 2 వ సారి సంతానోత్పత్తి సమయంలో డెడ్ హార్ట్ లను నాశనం చేయండి.
- వీటి సహజ శత్రువులు మరియు పరాన్నజీవులను సంరక్షించండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
