рмХрм╛рм╕рм╛рмнрм╛

рмзрм│рм╛ рморм╛рмЫрм┐

Aleyrodidae

рмкрнЛрмХ

5 mins to read

рм╕рмВрмХрнНрм╖рнЗрмкрм░рнЗ

  • рмкрмдрнНрм░ рмЙрмкрм░рнЗ рм╣рм│рмжрм┐рмЖ рмжрм╛рмЧ рм╕рнГрм╖рнНрмЯрм┐ рм╣рнЛрмЗрмерм╛рмП.
  • рмЧрм╛рмв рмХрм│рм╛ рм░рмВрмЧрм░ рмЧрнБрмгрнНрмб рмнрм│рм┐ рмврм│рнЗрмЗ рм╕рнГрм╖рнНрмЯрм┐ рм╣рнЗрммрм╛ рмжрнЗрмЦрм╛рмпрм╛рмП.рмкрмдрнНрм░ рммрм┐рмХрнГрмд рм╣рнЛрмЗрмпрм╛рмП- рморнЛрмбрм┐ рм╣рнЛрмЗрмпрм╛рмП рмУ рмХрмкрнН рмнрм│рм┐ рм╣рнЛрмЗрмпрм╛рмП.
  • рммрм┐рмХрм╛рм╢ рмЕрммрм░рнБрмжрнНрмз рм╣рнЛрмЗрмпрм╛рмП.
  • рмЫрнЛрмЯ рмзрм│рм╛рм░рнБ рм╣рм│рмжрм┐рмЖ рмкрнЛрмХ рмжрнЗрмЦрм╛рмпрм╛рмП.

рмормзрнНрнЯ рмжрнЗрмЦрм╛ рмпрм╛рмЗрмкрм╛рм░рнЗ

43 рмлрм╕рм▓ рмЧрнБрмбрм┐рмХ

рмХрм╛рм╕рм╛рмнрм╛

рм▓рмХрнНрм╖рмг

рмЦрнЛрм▓рм╛ рмЬрм╛рмЧрм╛ рмПрммрмВ рмЧрнНрм░рнАрмирм╣рм╛рмЙрм╕ рм░рнЗ рммрм┐рмнрм┐рмирнНрми рмлрм╕рм▓ рмкрнНрм░рмЬрм╛рмдрм┐рм░рнЗ рмзрм│рм╛рморм╛рмЫрм┐ рмПрмХ рм╕рм╛рмзрм╛рм░рмг рмкрнЛрмХ рмЕрмЯрнЗ. рмЙрмнрнЯ рммрнЯрм╕рнНрмХ рмПрммрмВ рмЫрнЛрмЯ рморм╛рмЫрм┐ рмЧрмЫрм░ рм░рм╕ рм╢рнЛрм╖рмг рмХрм░рм┐ рмкрмдрнНрм░, рмХрм╛рмгрнНрмб рмПрммрмВ рмлрм│ рмормзрнНрнЯрм░рнЗ рм░рм╕ рмЫрм╛рмбрм┐ рмжрм┐рмЕрмирнНрмдрм┐. рмПрм╣рм┐ рм╕рмВрмХрнНрм░рморм┐рмд рмХрнЛрм╖ рмЧрнБрмбрм┐рмХрм░рнЗ рм░рмЩрнНрмЧрм╣рнАрми рмжрм╛рмЧ рмПрммрмВ рмХрм▓рм╛ рмкрмЪрм╛ рмжрм╛рмЧ рм╕рнГрм╖рнНрмЯрм┐ рм╣рнЛрмЗрмерм╛рмП. рмЕрмдрнНрнЯрмзрм┐рмХ рм╕рмВрмХрнНрм░рмормгрм░рнЗ рмПрм╣рм┐ рмжрм╛рмЧ рм╕рммрнБ рморм┐рм╢рм┐ рм╢рм┐рм░рм╛ рмкрм╛рмЦрм░рнЗ рмерм┐рммрм╛ рмЬрм╛рмЧрм╛ рмЫрм╛рмбрм┐ рмжрм╛рмЧ рмЧрнБрмбрм┐рмХ рмкрм░рм╕рнНрмкрм░ рм╕рм╣ рморм┐рм╢рм┐ рмкрмдрнНрм░ рм╕рм╛рм░рм╛ рммрнНрнЯрм╛рмкрм┐ рмерм╛рмП. рмкрм░рммрм░рнНрмдрнА рм╕рморнЯрм░рнЗ рмЖрмХрнНрм░рм╛рмирнНрмд рмкрмдрнНрм░ рм╕рммрнБ рммрм┐рмХрнГрмд рм╣рнЛрмЗрмпрм╛рмЖрмирнНрмдрм┐. рмПрм╣рм┐ рмкрмдрнНрм░ рморнЛрмЪрм╛ рморнЛрмЪрм┐ рм╣рнЛрмЗ рмХрмк рм░ рмЖрмХрм╛рм░ рмирнЗрмЗрмерм╛рмП. рмХрм┐рмЫрм┐ рмврм╛рм▓рморм╛рмЫрм┐ рмнрнБрмдрм╛рмгрнБ рм╕рмВрмХрнНрм░рмормг рмХрм░рм┐рмерм╛рмирнНрмдрм┐. рмЙрмжрм╛рм╣рм░рмг рм╣рнЗрм▓рм╛, рмЯрморм╛рмЯ рм░ рмкрмдрнНрм░ рморнЛрмЪрм╛ рмнрнБрмдрм╛рмгрнБ, рмХрм╕рмнрм╛ рм░ рмзрнВрм╕рм░ рмжрм╛рмЧ рмнрнБрмдрм╛рмгрнБ.

Recommendations

рмЬрнИрммрм┐рмХ рмирм┐рнЯрмирнНрмдрнНрм░рмг

рммрм┐рмнрм┐рмирнНрми рмкрнНрм░рмЬрм╛рмдрм┐ рм░ рмзрм│рм╛ рморм╛рмЫрм┐ рмУ рмлрм╕рм▓ рмкрм╛рмЗрмБ рмнрм┐рмирнНрми рмнрм┐рмирнНрми рмкрнНрм░рмХрм╛рм░ рмЬрнИрммрм┐рмХ рмкрмжрнНрмзрмдрм┐ рмирнЗрммрм╛ рмЖрммрм╢рнНрнЯрмХ. рмкрнНрм░рм╛рмХрнГрмдрм┐рмХ рмХрнАрмЯрмирм╛рм╢рмХ рмпрмерм╛ рморм┐рмарм╛ рмЖрмкрнЗрм▓ рмдрнЗрм▓ (Annona Squamosa), рмкрм╛рмЗрм░рнЗрмернНрм░рнАрмирнН (Pyrethrins), рмХрнАрмЯрмирм╛рм╢рмХ рмЧрнБрмг рмерм┐рммрм╛ рм╕рм╛рммрнБрми, рмирм┐рмо рмормЮрнНрмЬрм┐ рм░рм╕ (рмирм╖рмХрнЗ 5%), рмирм┐рмо (5 /рморм┐рм▓рм┐ рмкрнНрм░рмдрм┐ рм▓рм┐рмЯрм░ рмкрм╛рмгрм┐) рмкрнНрм░рнЯрнЛрмЧ рмХрм░рм┐рммрм╛ рмкрм╛рмЗрмБ рмкрм░рм╛рморм░рнНрм╢ рмжрм┐рмЖ рмпрм╛рмЗрмерм╛рмП. рмкрм░рмЬрнАрммрнА рммрм┐рм░рнБрмбрм┐ рмПрмВрмХрм╛рм░рнНрм╕рм┐рнЯрм╛ рмлрнЛрм░рнНрморнЛрм╕рм╛ (Encarsia Formosa), рмЗрм░рнЗрмХрмЯрнНрморнЛрм╕рнЗрм░рм╕рнН рмПрм░рнЗрморм╛рмЗрмХрм╕рнН (Eretmocerus Eremicus), рм╕рм╛рмзрм╛рм░рмг рм╕рммрнБрмЬ рм▓рнЗрм╢рмЙрмЗрмЩрнНрмЧ рмХрнНрм░рм╛рмЗрм╕рнЛрмкрм░рнНрм▓рм╛ рмХрм╛рм░рнНрмирнЗрмЖ (Chrysoperla Carnea) рмХрм┐рморнНрммрм╛ рмЧрнЛрммрм░рмкрнЛрмХ рмбрнЗрм▓рнНрмлрм╛рм╕рнНрмЯрм╕рнН рмПрм╕рнНрмкрм┐рмкрм┐ (Delphastus spp.) рмХрнБ рмормзрнНрнЯ рм╕рнБрмкрм╛рм░рм┐рм╢ рмХрм░рм╛рмпрм╛рмЗрмерм╛рмП. рмЕрмирнНрнЯ рмкрнНрм░рм╛рмХрнГрмдрм┐рмХ рм╢рмдрнНрм░рнБ рмормзрнНрнЯрм░рнЗ рм╢рм┐рмХрм╛рм░рнА рморм╛рмЗрмЯ, рм╕рнВрмдрнНрм░рмЬрнАрмм, рм╕рммрнБрмЬ рм▓рнЗрм╢рмЙрмЗрмЩрнНрмЧ, рм▓рнЗрмбрнАрммрм╛рм░рнНрмб, рмЫрнЛрмЯ рмбрм╛рмХрнБ рмкрнЛрмХ, рммрмб-рмЖрмЦрм┐рмЖ рмкрнЛрмХ рмПрммрмВ рмбрм╛рморм╕рнЗрм▓рнН рмкрнЛрмХ. рмзрм│рм╛ рмкрнЛрмХрм░рнЗ рм░рнЛрмЧ рмХрм░рнБрмерм┐рммрм╛ рмХрммрмХрмЧрнБрмбрм┐рмХ рм╣рнЗрм▓рм╛ рммрм┐рмПрмЙрмнрнЗрм░рм┐рмЖ рммрнНрнЯрм╛рм╕рм┐рмЖрмирм╛ (Beauveria Bassiana), рмЖрмЗрм╕рм╛рм░рм┐рмЖ рмлрнНрнЯрнБрморнЛрм╕рнЛрм░рнЛрм╕рм┐рмП (Isaria Fumosorosea), рмнрм░рнНрмЯрм┐рм╕рм┐рм▓рм┐рнЯрморнН рм▓рнЗрмХрм╛рмирнНрмирм┐ (Verticillium Lecanii) рмПрммрмВ рмкрнЗрмЗрм╕рм┐рм▓рнЛрморм╛рмЗрм╕рнЗрм╕рнН рмлрнНрнЯрнБрморнЛрм╕рнЛрм░рнЛрм╕рм┐рмЕрм╕рнН (Paecilomyces Fumosoroseus).

рм░рм╛рм╕рм╛рнЯрмирм┐рмХ рмирм┐рнЯрмирнНрмдрнНрм░рмг

рм░рнЛрмЧрм░ рмкрнНрм░рмдрм┐рмХрм╛рм░ рм╕рммрнБрммрнЗрм│рнЗ рм╕рмормирнНрммрм┐рмд рмЙрмкрм╛рнЯ рм░рнЗ рмХрм░рм┐рммрм╛ рмжрм░рмХрм╛рм░, рмПрмерм┐рмкрм╛рмЗрмБ рмЙрмкрм▓рммрнНрмз рмЬрнИрммрм┐рмХ рмирм┐рнЯрмирнНрмдрнНрм░рмг рм╕рм╣ рмирм┐рммрм╛рм░рмг рмЙрмкрм╛рнЯрмХрнБ рмормзрнНрнЯ рмзрнНрнЯрм╛рми рмжрнЗрммрм╛ рмжрм░рмХрм╛рм░. рмзрм│рм╛ рморм╛рмЫрм┐ рмЕрмдрм┐ рм╢рнАрмШрнНрм░ рм╕рморм╕рнНрмд рмХрнАрмЯрмирм╛рм╢рмХ рмкрм╛рмЗрмБ рмкрнНрм░рмдрм┐рм░рнЛрмзрмХ рм╢рмХрнНрмдрм┐ рммрм┐рмХрм╛рм╢ рмХрм░рм┐ рмерм╛рмП. рм╕рнЗрмерм┐рмкрм╛рмЗрмБ рммрм┐рмнрм┐рмирнНрми рмХрнАрмЯрмирм╛рм╢рмХ рмЕрмжрм│ рммрмжрм│ рмХрм░рм┐ рмкрнНрм░рнЯрнЛрмЧ рмХрм░рм┐рммрм╛ рмжрм░рмХрм╛рм░. рммрм╛рмЗрмлрнЗрмирнНрмернНрм░рм┐рмирнН (Bifenthrin), рммрнНрнЯрнБрмкрнНрм░рнЛрмлрнЗрмпрм╝рм┐рмирнН (Buprofezin), рмлрнЗрмирнЛрмпрм╝рм╛рмЗрмХрм╛рм░рнНрмм (Fenoxycarb), рмЖрмпрм╝рм╛рмбрм╛рмЗрм░рм╛рмХрнНрмЯрм┐рмирнН (Azadirachtin), рмбрнЗрм▓рнНрмЯрм╛рморнЗрмернНрм░рнАрмирнН (Deltamethrin), рм▓рм╛рморнНрммрмбрм╛-рм╕рм╛рмЗрм╣рнЗрм▓рнЛрмернНрм░рнАрмирнН (Lambda-Cyhalothrin), рм╕рм╛рмЗрмкрм░рморнЗрмернНрм░рнАрмирнН (Cypermethrin), рмкрм╛рмЗрм░рнЗрмернНрм░рнЛрмПрмбрнНрм╕ рмкрм╛рмЗрморнЗрмЯрнНрм░рнЛрмпрм╝рм┐рмирнН (Pyrethroids Pymetrozine) рмХрм┐рморнНрммрм╛ рм╕рнНрмкрм╛рмЗрм░рнЛрморнЗрм╕рм┐рмлрнЗрмирнН (Spiromesifen) рмХрм┐рморнНрммрм╛ рмПрморм╛рмирмЩрнНрмХрм░ рморм┐рм╢рнНрм░рмг рмкрнНрм░рнЯрнЛрмЧ рмХрм▓рнЗ рмзрм│рм╛ рморм╛рмЫрм┐ рмирм┐рнЯрмирнНрмдрнНрм░рмг рм╣рнЛрмЗрмкрм╛рм░рнЗ. рмХрм┐рмирнНрмдрнБ рморм╛рмирнЗ рм░рмЦрмирнНрмдрнБ рмпрнЗ рмкрнНрм░рмдрм┐рммрмирнНрмзрмХ рмЙрмкрм╛рнЯ рмЕрммрм▓рморнНрммрми рмХрм▓рнЗ рмзрм│рм╛ рморм╛рмЫрм┐ рм╕рмВрмЦрнНрнЯрм╛ рммрм┐рмкрмж рм╕рмВрмХрнЗрмд рм░рнБ рмХрмо рмХрм░рм┐ рм╣рнЗрмм.

рмПрм╣рм╛рм░ рмХрм╛рм░рмг рмХрмг

рмзрм│рм╛ рморм╛рмЫрм┐ 0.8 -1 рморм┐рморм┐ рм▓рморнНрммрм╛ рмПрммрмВ рмПрм╣рм╛рм░ рм╢рм░рнАрм░ рмУ рмЙрмнрнЯ рмбрнЗрмгрм╛ рмзрм│рм╛ рм░рнБ рм╣рм│рмжрм┐рмЖ рморм╣рмо рмкрм░рм┐ рмкрм╛рмЙрмбрм░ рм░рм╕ рмжрнНрн▒рм╛рм░рм╛ рмЖрмЪрнНрмЫрм╛рмжрм┐рмд рмерм╛рмП. рмкрнНрм░рм╛рнЯрмдрмГ рмкрмдрнНрм░рм░ рмдрм│ рмкрмЯрнЗ рмПрм╣рм┐ рмкрнЛрмХ рм╕рммрнБ рмжрнЗрмЦрм╛рмпрм╛рмЖрмирнНрмдрм┐. рмХрм┐рмЫрм┐ рммрм╛рмзрм╛ рм╕рнГрм╖рнНрмЯрм┐ рм╣рнЗрм▓рнЗ рммрм╛рм╣рм╛рм░рмХрнБ рммрм╛рм╣рм╛рм░рм┐ рмЙрмбрмирнНрмдрм┐ рмпрм╛рм╣рм╛рмХрм┐ рмПрмХ рморнЗрмШ рмкрм░рм┐ рмжрнЗрмЦрм╛рмпрм╛рмП. рмПрм╣рм┐ рмкрнЛрмХ рмЧрм░рмо рмПрммрмВ рм╢рнБрмЦрм┐рм▓рм╛ рмкрм╛рмЧрм░рнЗ рм╕рнЗрмерм┐рмкрм╛рмЗрмБ рмПрморм╛рмирнЗ рм╕рм╛рмзрм╛рм░рмгрмдрмГ рммрм╛рм╣рм╛рм░рнЗ рмерм┐рммрм╛ рмлрм╕рм▓ рмкрм╛рмЗрмБ рм╕рморм╕рнНрнЯрм╛ рмирнБрм╣рмирнНрмдрм┐. рмПрм╣рм╛ рмкрмдрнНрм░рм░ рмдрм│ рмкрмЯрнЗ рмЕрмгрнНрмбрм╛ рмжрнЗрмЗрмерм╛рмП. рмЕрмгрнНрмбрм╛рм░рнБ рмлрнБрмЯрм┐рмерм┐рммрм╛ рмЫрнБрмЖ рморм╛рмЫрм┐ рм░ рм░рмЩрнНрмЧ рм╣рм│рмжрм┐рмЖ рм░рнБ рмзрм│рм╛ рмХрм┐рморнНрммрм╛ рмЗрм╖рмдрнН рм╕рммрнБрмЬ рм░рмЩрнНрмЧрм░ рм╣рнЛрмЗрмерм╛рмП рмПрммрмВ рмПрм╣рм╛рм░ рмЖрмХрм╛рм░ рмЕрмгрнНрмбрм╛рмХрнГрмдрм┐ рмУ рм╕рмормдрм│ рм╣рнЛрмЗрмерм╛рмП. рммрнЯрм╕рнНрмХ рмзрм│рм╛рморм╛рмЫрм┐ рмХрнМрмгрм╕рм┐ рмЧрмЫ рмирмЦрм╛рмЗ рмХрм┐рмЫрм┐ рмжрм┐рмирм░рнБ рмЕрмзрм┐рмХ рм░рм╣рм┐ рмкрм░рнЗ рмирм╛рм╣рм┐рмБ. рмПрмерм┐ рмкрм╛рмЗрмБ рмШрм╛рм╕ рмирм┐рнЯрмирнНрмдрнНрм░рмг рмПрмХ рморнБрмЦрнНрнЯ рмкрмжрнНрмзрмдрм┐ рмЕрмЯрнЗ рмпрм╛рм╣рм╛рмжрнНрн▒рм╛рм░рм╛ рмзрм│рм╛ рморм╛рмЫрм┐ рм╕рмВрмЦрнНрнЯрм╛ рмХрнБ рмХрмо рмХрм░рм┐ рм╣рнЗрмм.


рм╕рнБрм░рмХрнНрм╖рм╛рмдрнНрмормХ рмЙрмкрм╛рнЯ

  • рмЕрмирнНрмдрмГ рмлрм╕рм▓ рм▓рмЧрм╛рмирнНрмдрнБ, рм░рнЛрмЧ рм╕рм╣рмирм╢рнАрм│ рмХрм┐рм╕рмо рммрм┐рм╣рми рм▓рмЧрм╛рмирнНрмдрнБ.
  • рмЕрмирнНрнЯ рмлрм╕рм▓ рмпрм╛рм╣рм╛ рморм╛рмЫрм┐рмХрнБ рмЖрмХрм░рнНрм╖рмг рммрм╛ рм╡рм┐рмХрм░рнНрм╖рмг рмХрм░рнЗ рм▓рмЧрм╛рмЗрм▓рнЗ рморнВрм│ рмлрм╕рм▓рм░рнЗ рм╕рмВрмХрнНрм░рмормг рмХрмо рм╣рнЗрмм.
  • рмПрм╣рм┐ рмлрм╕рм▓ рмЧрнБрмбрм┐рмХ рм╣рнЗрм▓рм╛ рмирм╛рм╕рнНрмЯрнБрм░рнНрм╕рм┐рнЯрморнНрм╕ (Nasturtiums), рмпрм┐рмирнНрмирм┐рнЯрм╛рм╕рнН (Zinnias), рм╣рморм┐рмВ рммрм░рнНрмб рмШрм╛рм╕ (Hummingbird Bush), рм╕рмкрнБрм░рнА рмШрм╛рм╕, рморм╣рнБрморм╛рмЫрм┐ рморм▓рмо (Bee Balm).
  • рмкрмбрнЛрм╢рнА рморм╛рмирмЩрнНрмХ рм╕рм╣ рмкрм░рм╛рморм░рнНрм╢ рмирнЗрмЗ рмарм┐рмХ рм╕рморнЯрм░рнЗ рмлрм╕рм▓ рм▓рмЧрм╛рмирнНрмдрнБ рмпрнЗрморм┐рмдрм┐рмХрм┐ рммрнЗрм╢рнА рмбрнЗрм░рм┐ рмХрм┐рморнНрммрм╛ рмЕрмдрм┐ рм╢рнАрмШрнНрм░ рми рм╣рнБрмП.
  • рмЕрмзрм┐рмХ рм╕рмВрмЦрнНрнЯрм╛рм░рнЗ рмЧрмЫ рм▓рмЧрм╛рмирнНрмдрнБ.
  • рмирнВрмЖ рмЪрм╛рм░рм╛ рм░рнЗ рмзрм│рм╛ рморм╛рмЫрм┐ рм░ рм╕рмВрмХрнЗрмд рмжрнЗрмЦрм┐рммрм╛ рмкрм╛рмЗрмБ рмирнАрм░рм┐рмХрнНрм╖рмг рмХрм░рмирнНрмдрнБ.
  • рм╕рмирнНрмдрнБрм│рм┐рмд рмЦрм╛рмжрнНрнЯрм╕рм╛рм░ рмкрнНрм░рнЯрнЛрмЧ рмХрм░рм┐рммрм╛ рм╕рнБрмирм┐рм╢рнНрмЪрм┐рмд рмХрм░рмирнНрмдрнБ.
  • рммрнНрнЯрм╛рмкрмХ рмкрнНрм░рмнрм╛рммрнА рмХрнАрмЯрмирм╛рм╢рмХ рммрнНрнЯрммрм╣рм╛рм░ рмХрм░рмирнНрмдрнБ рмирм╛рм╣рм┐рмБ рмХрм╛рм░рмг рмдрм╛рм╣рм╛ рмЙрмкрмХрм╛рм░рнА рмХрнАрмЯ рмХрнБ рмормзрнНрнЯ рмирм╖рнНрмЯ рмХрм░рм┐ рмжрнЗрмЗрмкрм╛рм░рнЗ.
  • рмЕрмгрнНрмбрм╛ рмПрммрмВ рм▓рм╛рм░рнНрмнрм╛ рмжрнНрн▒рм╛рм░рм╛ рмЖрмХрнНрм░рм╛рмирнНрмд рмкрмдрнНрм░ рмЧрнБрмбрм┐рмХрнБ рммрм╛рм╣рм╛рм░ рмХрм░рм┐рмжрм┐рмЕрмирнНрмдрнБ.
  • рмжрм┐рмирм░рнЗ рм╕рмВрмХрнНрм░рмормгрм░ рмкрнНрм░рмермо рм╕рморнЯрм░рнЗ рмЕрмарм╛рм│рм┐рмЖ рмЯрнНрм░рм╛рмк рмЬрморм┐рм░рнЗ рм░рмЦрм┐ рммрм╣рнБ рм╕рмВрмЦрнНрнЯрм╛рм░рнЗ рморм╛рмЫрм┐ рмзрм░рмирнНрмдрнБ.
  • рмЕрмирм╛рммрмирм╛ рмШрм╛рм╕ рмдрмерм╛ рмЕрмирнНрнЯ рмЧрмЫ рмпрнЗрмЙрмБрмерм┐рм░рнЗ рмПрм╣рм┐ рморм╛рмЫрм┐ рм░рм╣рмирнНрмдрм┐, рмдрм╛рм╣рм╛ рмирм┐рнЯрмирнНрмдрнНрм░рмг рмХрм░рмирнНрмдрнБ.
  • рмЬрморм┐рм░рнБ рмЧрмЫрм░ рмЕрммрм╢рнЗрм╖ рм╕рммрнБ рммрм╛рм╣рм╛рм░ рмХрм░рм┐ рмирм╖рнНрмЯ рмХрм░рм┐рмжрм┐рмЕрмирнНрмдрнБ.
  • рмЧрм░рмо рмжрм┐рмирм░рнЗ рмХрм┐рмЫрм┐ рмжрм┐рми рмкрм╛рмЗрмБ рмЬрморм┐ рмЦрм╛рм▓рм┐ рм░рмЦрмирнНрмдрнБ.
  • рмЧрнНрм░рнАрмирм╣рм╛рмЙрм╕рм░рнЗ рмкрнНрм▓рм╛рм╖рнНрмЯрм┐рмХрм░ рмкрмдрм│рм╛ рмШрнЛрмбрмгрм┐ рмпрм╛рм╣рм╛ UV рм░рм╢рнНрморнАрмХрнБ рм╢рнЛрм╖рм┐ рмирнЗрмЗрмерм╛рмП рммрнНрнЯрммрм╣рм╛рм░ рмХрм▓рнЗ рм╕рмВрмХрнНрм░рмормг рмХрмо рм╣рнЛрмЗрмкрм╛рм░рнЗ.

рмкрнНрм▓рм╛рмгрнНрмЯрм┐рмХрнНрм╕ рмбрм╛рмЙрмирм▓рнЛрмбрнН рмХрм░рмирнНрмдрнБ