Phytophthora drechsleri f. sp. cajani
శీలీంధ్రం
5 mins to read
లేత మొలకలకు ఈ తెగులు సోకితే అవి అకస్మాత్తుగా చనిపోతాయి. ఒకవేళ మొక్క చనిపోకపోతే కాండం మీద పెద్ద పెద్ద బుడిపెలు ఏర్పడతాయి. తెగులు సోకిన మొక్కల ఆకులపై నీటితో తడిసినట్టు వుండే మచ్చలు ఏర్పడతాయి. ఆకు కాడలపై మరియు కాండం పైన గోధుమ నుండి నల్ల రంగు నొక్కుకుపోయినట్టువున్న మచ్చలు కనిపిస్తాయి. కాండం గాయాల పైభాగం నుండి మొక్క వాలిపోయి, ఎండిపోయి చివరకు చనిపోవచ్చు.
సూడోమోనాస్ ఫ్లోరోసెన్స్ మరియు బాసిల్లస్ సబ్టిలిస్, అలాగే ట్రైకోడెర్మా విరిడి మరియు హమాటం కాండం కుళ్ళు తెగులుకు వ్యతిరేకంగా పనిచేస్తాయి.
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఫైటోఫ్తోరా బ్లెయిట్ సోకకుండా ఉండడానికి కిలో విత్తనాలకు 4 గ్రాములు మెటలాక్సెల్ తో ( 4 గ్రా/కిలో విత్తనాలు) విత్తన శుద్ధి చేయాలి.
ఫైటోఫ్తోరా బ్లెయిట్ ఒక మట్టి ద్వారా సంక్రమించే ఫంగస్. ఇది చాలా కాలం పంట అవశేషాలలో జీవించి ఉంటుంది. వర్షపు తుంపర్లు లాంటి తేమతో కూడిన వాతావరణ పరిస్థితులు మరియు 25° C ఉష్ణోగ్రతలు, ఈ తెగులు వ్యాపించడానికి అనుకూలమైన పరిస్థితులు. ఈ తెగులు సోకాలంటే ఆకులు 8 గంటల సమయం తేమతో ఉండాలి. కొంతకాలానికి కందులు ఈ తెగులుకు నిరోధకతను పెంచుకుంటాయి.