సోయాబీన్ లో ఆల్టర్నేరియా ఆకు మచ్చ తెగులు

దీనికి కారణమేమిటి?

సొయాబీన్ పంటలో ఆల్టర్నేరియా ఆకు మచ్చ తెగులు జెనుస్ ఆల్టర్నేరియా spp. యొక్క అనేక రకాల ఫంగి కారణంగా ఏర్పడుతుంది. ఈ సూక్ష క్రిములు కాయల గోడలను చీల్చి లోపల గింజలకు సంక్రమించి వివిధ సీజన్ల మధ్యన మొక్కలకు ఈ తెగులు సంక్రమించేటట్టు చేస్తాయి. ఈ ఫంగస్ కలుపు మొక్కలు లేదా కుళ్ళకుండా వున్న పంట అవశేషాలపైన చలికాలంలో జీవించి ఉంటాయి. వేడి మరియు తేమ వాతావరణంలో ప్రధానంగా గాలి మరియు వర్షపు తుంపర్ల ద్వారా ఈ తెగులు రెండవ సారి సంక్రమిస్తుంది. ఆకులు తడిగా వునప్పుడు కొద్దీ గంటల్లోనే ఈ ఫంగస్ అంకురోత్పత్తి చెంది ఆకులపైన వుండే సహజ రంధ్రాల ద్వారా లేదా కీటకాల వలన కలిగిన గాయాల ద్వారా మొక్కల కణజాలంలోనికి ప్రవేశిస్తుంది. 20-27°C మధ్య ఉష్ణోగ్రత ఈ తెగులు వృద్ధి చెందడానికి అనుకూలంగా ఉంటుంది. మొలకల దశలో మరియు మరియు సీజన్ చివరి దశలో ఆకులు పరిపక్వతకు వచ్చిన సమయంలో ఈ తెగులు సులభంగా సంక్రమించే అవకాశం ఉంటుంది. వర్షాకాలం తర్వాత వేసిన సొయాబీన్ పంటలో మరియు భౌతికమైన లేదా పోషకాల వత్తిడి వున్న మొక్కల్లో ఈ తెగులు సంక్రమించే అవకాశం అధికంగా ఉంటుంది.