సోయాబీన్ డౌనీ బూజు తెగులు

లక్షణాలు

డౌనీ బూజు యొక్క ప్రారంభ లక్షణాలు లేత మొక్కలపై సంభవిస్తాయి, అయితే ఈ తెగులు పొలంలో మొక్కలు పూర్తిగా వృద్ధి చెందే చివరి దశ వరకు లేదా పునరుత్పత్తి ప్రారంభమయ్యే తొలి దశ వరకు వృద్ధి చెందదు. ప్రారంభంలో చిన్న, సక్రమంగా లేని , పాలిపోయిన పసుపు మచ్చలు ఆకు పైభాగాన కనిపిస్తాయి. తరువాత, అవి పసుపు రంగు అంచుతో బూడిద-గోధుమ రంగులోకి మారుతాయి. ఆకుల దిగువ భాగంలో, వ్యాధికారక సూక్షజీవుల ఉనికి కారణంగా బూడిద రంగు మచ్చలు మసక గా కనిపిస్తాయి. తరచుగా, ఈ లక్షణాలు పందిరి అంతటా దిగువ స్థాయిలో కనిపిస్తాయి. కాయలకు సోకినప్పుడు, కాయల లోపల పెంకు కట్టినట్టు వున్న శిలీంధ్రం లాంటి పెరుగుదల కనిపిస్తుంది. తెగులు సోకిన గింజ నిస్తేజమైన తెల్లని రూపాన్ని కలిగి ఉంటుంది మరియు పాక్షికంగా లేదా పూర్తిగా ఫంగస్‌తో కప్పబడి ఉంటుంది. గాయం పరిమాణం మరియు ఆకారం, ఆకు వయస్సు మీద ఆధారపడి ఉంటుంది. పాత గాయాలు పసుపు లేదా ఆకుపచ్చ అంచులతో బూడిద గోధుమ రంగు నుండి ముదురు గోధుమ రంగులోకి మారవచ్చు. తీవ్రంగా తెగులు సోకిన ఆకులు పసుపు నుండి గోధుమ రంగులోకి మారి ముందుగానే రాలిపోతాయి.