క్యాబేజీ
గ్రేట్ సదరన్ వైట్
Ascia monuste
కీటకం
5 mins to read
క్లుప్తంగా
- ఆకులపై ఈ కీటకాలు తిన్న నష్టం కనిపిస్తుంది.
- ఆకు అంచుల వెంట క్రమరహిత రంధ్రాలు ఏర్పడతాయి.
లో కూడా చూడవచ్చు
క్యాబేజీ
లక్షణాలు
ఇవి తినడం వలన మొక్క ఆకులు దెబ్బతిన్నప్పుడు ఇది ఈ తెగులు సంక్రమణకు యొక్క స్పష్టమైన సంకేతం. గ్రేట్ సదరన్ వైట్ సీతాకోకచిలుక యొక్క గొంగళి పురుగులు హాని కలిగిస్తాయి. సాధారణంగా ఇవి బయటి భాగాల నుండి ప్రారంభించి లోపలికి కదులుతూ ఆకుల అంచులను తింటాయి. ఇవి ఇలా తినడం వలన తరచుగా ఆకుల అంచుల వెంట రంధ్రాలు ఏర్పడతాయి. గొంగళి పురుగులు నేల పైభాగంలో ఉండే మొత్తం మొక్కల భాగాలను తినగలవు. ఇవి క్రూసిఫరస్ కూరగాయలను (క్యాబేజీ, కాలీఫ్లవర్, బ్రోకలీ) చాలా ఎక్కువగా తింటాయి. ఆకుల పైభాగంలో గుడ్ల సమూహాల ఉనికి మరియు గొంగళి పురుగులు గుంపులుగా కలిసి తింటున్నాయేమో గమనించండి. పొలంలో కూడా పెద్ద చిమ్మటలను చూడవచ్చు.
Recommendations
సేంద్రీయ నియంత్రణ
బాసిల్లస్ తురింజియెన్సిస్ (Bt) పిచికారీని ఉపయోగించండి. ఇది మానవులకు మరియు ప్రయోజనకరమైన కీటకాలకు సురక్షితంగా ఉండి క్యాబేజీ పురుగు లార్వాలను లక్ష్యంగా చేసుకుని చంపే సహజమైన పురుగుమందు. సహజ వికర్షకం మరియు కీటక నాశినిగా వేప చెట్టు నుండి తీసిన వేప నూనె పిచికారీని పిచికారీ చేయండి.
రసాయన నియంత్రణ
జీవ/పర్యావరణ అనుకూల చికిత్సలతో పాటు నివారణ చర్యలతో కూడిన సమగ్ర విధానాన్ని ఎల్లప్పుడూ పరిగణలోకి తీసుకోండి. లిటరేచర్ లో చెప్పినదాన్ని బట్టి ఈ క్రింది అనేక క్రిమిసంహారకాలు అస్సీయ మోనుస్ట్ ను సమర్ధవంతంగా నియంత్రిస్తాయి. కానీ అవన్నీ ఈ చిమ్మటల సహజ శత్రువులకు సురక్షితం కాదు: క్లోరంత్రనిలిప్రోల్, సైంట్రానిలిప్రోల్, ఇండోక్సాకార్బ్, స్పినోసాద్, క్లోర్ఫెనాపైర్, మలాథియాన్. అంతేకాకుండా ఈ పురుగుమందుల వాడకం తెగులు ప్రతిఘటనకు దారి తీస్తుంది. దీనివలన కాలక్రమేణా ఈ తెగుళ్లు పురుగుమందులకు నిరోధకతను పెంచుకుంటాయి.
దీనికి కారణమేమిటి?
అస్సియా మొనస్టే అనే క్రిమి యొక్క గొంగళి పురుగుల వల్ల నష్టం జరుగుతుంది. ఇది చాలా హానికరమైన తెగులు, ఇది క్రూసిఫరస్ పంటలలో గణనీయమైన నష్టాలను కలిగిస్తుంది. నవంబర్ మరియు మే మధ్య, ఉష్ణమండల ప్రాంతాల్లో వెచ్చని మరియు వర్షాకాలంలో ఆడ పెద్ద చిమ్మట ఆకుల పైభాగంలో పసుపు, కుదురు ఆకారపు గుడ్లను పెడుతుంది. గొంగళి పురుగులు బూడిద రంగు చారలతో పసుపు రంగులో ఉంటాయి. వాటి శరీరం వెంబడి చారలు ఉంటాయి మరియు అవి చిన్న నల్ల మచ్చలను కలిగి ఉంటాయి. పెద్ద సీతాకోకచిలుకలు తెలుపు (మగ) మరియు ఆడ పురుగులు మురికి తెలుపు నుండి బూడిద రంగులో ఉంటాయి. పెద్ద చిమ్మటలు దాదాపు 19 రోజులు జీవిస్తాయి. ఇవి ఆహారం, సంభోగ భాగస్వాముల కోసం మరియు యుక్తవయస్సులో ఉన్నచిమ్మటలు ఎదగడానికి మంచి పరిస్థితులను కనుగొనడానికి చాలా దూరం వరకు ప్రయాణం చేస్తాయి. 6 నుండి 35 °C వరకు ఉష్ణోగ్రతలతో తడి మరియు వెచ్చని పరిస్థితులు వీటి మనుగడకు అనుకూలంగా ఉంటాయి. చల్లటి వాతావరణం మరియు అధిక వర్షపాతం వీటి మనుగడను కష్టతరం చేస్తుంది.
నివారణా చర్యలు
- అందుబాటులో ఉంటే తెలుగు నిరోధక విత్తనాలను ఉపయోగించండి.
- క్యాబేజీ పురుగులు మరియు చిమ్మటలు ఆకర్షించబడవు కాబట్టి ఊదా లేదా ఎరుపు క్యాబేజీ రకాలను నాటండి.
- తిన్న నష్టం మరియు గుడ్ల సమూహాలు వంటి సంకేతాల కోసం మొక్కలను క్రమం తప్పకుండా పర్యవేక్షించండి.
- గుడ్లు కనిపించినప్పుడు వాటిని చేతులతో తొలగించండి.
- వీటి శత్రు కీటకాలు మరియు పక్షులు వంటి చిమ్మట యొక్క సహజ శత్రువుల కోసం ఆవాసాలను రక్షించడం ద్వారా జీవవైవిధ్యాన్ని సంరక్షించండి.
- ఈ తెగులు మీ మొక్కల వరకు చేరకుండా నిరోధించడానికి ఫ్లోటింగ్ రో కవర్లను ఉపయోగించండి.
- థైమ్, సేజ్ మరియు రోజ్ మేరీ, అలాగే బంతి మరియు నాస్టూర్టియం వంటి మొక్కలతో కలిపి నాటడం ద్వారా పాలీకల్చర్ ను అమలుచేయండి.
- మగ చిమ్మటలను పట్టుకోవడానికి మరియు వాటి పునరుత్పత్తికి అంతరాయం కలిగించడానికి డికోయ్ మాత్ ట్రాప్‌లను వేలాడదీయండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
