దానిమ్మ
దానిమ్మలో విల్ట్ తెగులు
Ceratocystis fimbriata
శీలీంధ్రం
5 mins to read
క్లుప్తంగా
- పసుపుపచ్చ ఆకులు పూర్తిగా చెట్టు నుండి రాలడం వరకు వివిధ లక్షణాలు వుంటాయి.
- కాండం నిలువగా చీలుతుంది.
- ముదురు బూడిద-గోధుమ రంగు చారకలు వేర్లు, కొమ్మలు మరియు కాండం మరియు కాండం యొక్క నాడీ కణజాలంలో కనిపిస్తాయి.
దానిమ్మ
లక్షణాలు
ప్రారంభంలో, ఒకటి లేదా కొన్ని చెట్ల కొమ్మలు పసుపు రంగులోకి మారుతాయి. తరువాత, ఇది మొత్తం చెట్టుకు వ్యాపిస్తుంది. దీనివలన ఆకులు రాలిపోతాయి. ఆకులు వాలిపోవడం అనేది సాధారణంగా కింది ఆకుల నుండి పై ఆకులకు పాకుతుంది, సాదారణంగా కొన్ని మొక్కలలొ ఒకేసారి మొత్తం ఆకులు రాలిపోవచ్చు. ఈ తెగులులో కాండం నిటారుగా చీలడం సాధారణంగా జరుగుతుంది. వేర్లు, కాండం బెరడు మరియు ముఖ్యంగా కింది కొమ్మలు చీలిపోతాయి. సాధారణంగా ఈ తెగులు సోకిన మొక్కల భాగాలు అడ్డంగా మరియు నిలువుగా, నాడీ కణజాలంలో ముదురు బూడిద-గోధుమ గీతలు వుంటాయి.
Recommendations
సేంద్రీయ నియంత్రణ
బాసిల్లస్ సబ్లిటిస్ నేలపై చల్లడం వలన కూడా ఈ తెగులు తీవ్రత తగ్గుతుంది. ట్రైకోడెర్మా sp. పెసిలోమిస్స్ 25 గ్రాములకు 2 కిలోల బాగా-కుళ్ళిన సేంద్రియ ఎరువు, దానిమ్మ చెట్ల కాండం చుట్టూ ఈ తెగులు యొక్క అంటువ్యాధులను నివారించడానికి సహాయపడుతుంది. వేప, క్రాంజ్, మాహువా మరియు ఆముదం కేక్ తో నేలకు చికిత్స చేయడం వలన C. ఫింబ్రియాట వ్యతిరేకంగా సమర్థవంతంగా పనిచేస్తుందని కనుగొన్నారు.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. ఈ తెగులు సోకిన మరియు చుట్టుపక్కల ఆరోగ్యకరమైన మొక్కల చుట్టూ లేదా తోట మొత్తం చుట్టూ ప్రొఫికోనజోల్ (0.1%) + బోరిక్ యాసిడ్ (0.5%) + ఫాస్ఫారిక్ యాసిడ్ (0.5%) ను మట్టి పైన పూర్తిగా తడిచేటట్టు చల్లండి. నాటడానికి ముందు ఫార్మలిన్ (0.2%) తో మట్టిని శుద్ధి చేసినా కూడా ఈ తెగులును నియంత్రించవచ్చు. కార్బెండజిమ్ (0.2%), ప్రాపికోనజోల్ (0.15%) లేదా ట్రైడెమార్ఫ్ (0.15%) + క్లోరోపీరిపోస్ (0.25%) తో కూడా మట్టి ని తడపవచ్చు.
దీనికి కారణమేమిటి?
ఈ శిలీంధ్రం తెగులు సోకిన మొక్కల భాగంలో 190 రోజుల వరకు మరియు మట్టిలో కనీసం నాలుగు నెలలు వరకు చురుకుగా మనుగడ సాగిస్తాయి. నేల పైకి వుండే మొక్క భాగాలకు గాయాలు కావడం ద్వారా ఈ తెగులు సోకుతుంది. వేర్లకు మాత్రం ఎటువంటి గాయాలు లేకుండానే సోకుతుంది. వీటి బీజాలు ( స్పోర్స్) మొలకలు, నీటిపారుదల, వర్షపు నీరు, కీటకాలు మరియు మామూలుగా పొలంలో పనిచేస్తునప్పుడూ వ్యాపిస్తాయి. ఇవి అతిధి మొక్కలలో ప్రవేశించినతర్వాత మైసీలియా మరియు బీజాంశం చెట్టు యొక్క నాడీ కణజాలం ద్వారా వెళ్లి ఎర్రని గోధుమరంగు నుండి ఊదారంగులో లేదా నల్లటి పూతను కలిగచేస్తుంది.
నివారణా చర్యలు
- తెగులు వ్యాప్తిని నివారించడానికి తెగులు సోకిన మొక్కల భాగాలను తొలగించి నాశనం చేయాలి.
- ఉపయోగించడానికి ముందు మరియు ఉపయోగించిన తరువాత వ్యవసాయ పరికరాలను క్రిమి సంహారిణిలతో శుభ్రపరచాలి.
- అతిధులు కానీ మొక్కల రకాలతో దానిమ్మ తోటలో పంట మార్పిడి చేయండి మరియు C.
- ఫీమ్బ్రిటా ఇప్పటికే ఉన్న ప్రాంతాలను నివారించండి.
- వేరు ఒక దానితో ఒకటి తాకకుండా ఉండుటకు చెట్ల మధ్య తగినంత దూరం ఉండునట్లు మొక్కలను నాటండి.
- (ఫంగస్ వ్యాప్తి చెందుటకు అవకాశం వుంటే వేరు సంపర్కాన్ని నివారించండి).
- తక్కువ నీరు ఈ తెగులు సంక్రమించే అవకాశాన్ని పెంచుతుంది.
- పొలంలో పనిచేస్తున్నప్పుడు మొక్కలకు దెబ్బలు తగలకుండా జాగ్రత్తలు తీసుకోండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
