ఇతరములు
పొగాకు మొగ్గ పురుగు
Chloridea virescens
కీటకం
5 mins to read
క్లుప్తంగా
- మొగ్గలకు నష్టం కలుగుతుంది.
- లేత ఆకుల చిగుర్లు చనిపోతాయి.ఈ తెగులు సోకిన మొగ్గలు పసుపు రంగులోకి మారి మొక్కలనుండి రాలిపోతాయి.
- పండ్ల మొదళ్లవద్ద నమిలినట్టు వున్న రంధ్రాలు ఏర్పడతాయి.
లో కూడా చూడవచ్చు
ఇతరములు
లక్షణాలు
పంట రకం బట్టి ఈ తెగులు లక్షణాలు మారుతూ ఉంటాయి. ఈ లార్వా మొగ్గలలోకి రంద్రాలు చేసి లోపలకు ప్రవేశించి నష్టం కలుగచేస్తుంది. ఇది ఎదుగుతున్న కణజాలాన్ని నష్టం కలుగచేస్తుంది. వీటికి ఆహారం లభించకపోతే ఇవి ఆకులు, ఆకు కాడలు రెమ్మలను కూడా తినడం మొదలుపెడతాయి. ఇవి తిన్న మొగ్గలు పసుపురంగు లోకి మారి మొక్క నుండి రాలిపోతాయి. ప్రత్తి మరియు చిక్కుడు జాతి మొక్కలలో రంద్రాలు మరియు మలపదార్ధం ప్రత్తి కాయల మొదళ్లవద్ద కనపడతాయి. ఇవి తినడం వలన కత్తిరించినట్టు అయిన భాగాలు కనపడడం చాలా సాధారణంగా జరుగుతుంది. కొన్ని సందర్భాలలో పండ్లలోపల మొత్తం ఖాళీ అయిపోయి పండ్లు కుళ్లిపోతాయి. ప్రత్తిలో ఈ తెగులు లక్షణాలు మొక్కజొన్న కంకి పురుగు లక్షణాలను పోలి ఉంటాయి.
Recommendations
సేంద్రీయ నియంత్రణ
ఈ కీటకాలను అణిచివేయడానికి బాసిల్లస్ తురింజియన్సిస్, నొసేమ spp., స్పీకరియా రిలేయి లేదా న్యూక్లియర్ పోలీహెడ్రోసిస్ వైరస్ లను పిచికారిగా ఉపయోగించవచ్చు. ఈ కీటకాలకు సహజ శత్రువులైన కందిరీగలు (పోలిస్ట్స్ spp.) బిగ్ ఐ బగ్స్, డామ్సెల్ బగ్స్, మైన్యూట్ పైరేట్ బగ్స్ ( ఓరియన్ spp.) మరియు సాలీడ్లను పొలంలో బాగా ప్రోత్సహించాలి. పరాన్నజీవి అయిన ట్రైకొగ్రమ్మ ప్రెటీయోసమ్ మరియు కార్డియోచిలెస్ నిగ్రిసెప్స్ లను కాయగూరపంటల్లో మరియు ఇతర పంటలలో ఉపయోగించవచ్చు. ఆర్చిటాస్ మర్మోరటస్, మెటియోరస్ ఆటోగ్రఫే, నెట్ఏలీయా సయి, ప్రిస్టోమెరస్ స్పీనేటర్ మరియు జెనస్ కంపొలిటీస్ spp. జాతికి చెందిన ఇతర కీటకాలు కూడా ఈ తెగులును నియంత్రిస్తాయి.
రసాయన నియంత్రణ
వీలైనంతవరకు ఎల్లపుడూ జీవపరమైన మరియు నివారణ చర్యలతో కూడిన సమీకృత సమగ్ర సస్యరక్షణ విధానాన్నిపరిగణలోకి తీసుకోండి. కొన్ని కారణాలవలన ఈ తెగులును నియంత్రించడం చాలా కష్టం అని చెప్పవచ్చు. క్లొరాన్త్రనిపోల్, ఫ్లూబెన్డియమైడ్ లేదా ఎస్ఫిన్వలేరేట్ వంటి కీటక నాశినులను ఈ తెగులును నియంత్రించడానికి వాడవచ్చు. సాధారణంగా పెరిత్రోయిడ్స్ వంటి కొన్ని రకాల కీటక నాశినులను ఈ తెగులు నిరోధకతను పెంచుకుంది. విస్తృత పరిధి కలిగిన కీటక నాశినులను వాడకపోవడం మంచిది. ఇవి పంటకు సహాయకారులుగా వుండే కీటకాలను కూడా చంపుతాయి.
దీనికి కారణమేమిటి?
క్లోరిడియ వైరిసెన్స్ అనబడే టొబాకో మొగ్గ పురుగు వలన నష్టం కలుగుతుంది. సొయా బీన్ మరియు ప్రత్తి వంటి చాలా రకాల పంటల్లో( ముఖ్యంగా ఎడారి ప్రాంతాలలో) ఇది ఒక ముఖ్యమైన చీడ. ఇవి గోధుమ రంగులో వుంది (రెక్కలతో కలిపి)ఒకొక్కసారి కొంచెం పచ్చ రంగు కలసి ఉంటాయి. ముందు రెక్కలు అడ్డంగా వున్న మూడు ముదురు గోధుమ రంగు పట్టీలతో ఉంటాయి. కొన్ని సార్లు వీటి అంచులు తెల్లని లేదా క్రీం రంగు అంచులతో ఉంటాయి. వెనక రెక్కలు తెల్లని రంగులో ఉండి అంచుల వద్ద ముదురు పట్టీలతో ఉంటాయి. ఆడ కీటకాలు గూలాకారపు చదునైన గుడ్లను వైచుకున్న పువ్వులపై పెడతాయి. ఎదిగిన లార్వా మొగ్గలను పువ్వులను బాగా అధికంగా తిని పంటకు చాలా తీవ్రమైన నష్టాన్ని కలుగచేస్తుంది. ఇది సీజన్ చివరివరకు తినడం వలన మొక్కలు తిరిగి ఈ నష్టాన్ని పూడ్చుకోలేవు. ఉష్ణోగ్రతలు 20°C ఉన్నప్పుడు ఇవి 25 రోజుల వరకు జీవిస్తాయి.
నివారణా చర్యలు
- తెగుళ్లను తట్టుకునే రకాలను వాడాలి.
- స్వల్పకాలిక రకాలను వాడండి లేదా సీజన్లో ముందుగా నాటండి.
- పువ్వులు వచ్చిన ఒకటి రెండు వారాలనుండి ఈ తెగులు లక్షణాలకోసం పొలాన్ని గమనిస్తూవుండండి.
- సెక్స్ ఫెరోమోన్ లను వుపయోగించి ఈ పురుగులను పట్టుకోండి.
- నాట్లు వేసేటప్పుడు మొక్కల మధ్యన సరైన అంతరాన్ని పాటించండి.
- పొలంలో సరైన పద్దతిలో కలుపు మొక్కలను తొలగించండి.
- సరైన మోతాదులో ఎరువులను వాడండి.
- అధిక మొత్తంలో నీరు పెట్టకండి.
- పంట త్వరగా చేతికి వచ్చేటట్టు చూడండి లేదా త్వరగా పక్వానికి వచ్చే మొక్కల రకాలను వాడండి.
- పంట నుండి తరువాత వేసే పంటకు ఈ తెగులు సోకకుండా చూడడానికి పంట కోతల తర్వాత పంట అవశేషాలను పూర్తిగా తొలగించండి.
పంచుకోండి
ప్లాంటిక్స్‌ను డౌన్‌లోడ్ చేసుకోండి
